Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

Assembly in MLA boral ralna hun hmang

Mizoram Legislative Assembly chuan August 17, 2021-a boralta Tuirial Assembly Constituency bialtu MLA, Andrew H. Thangliana ralna hun nimin khan Assembly Speaker, Lalrinliana Sailo hovin an hmang.

MLA boralta Andrew H. Thangliana ralna hun a chenna In, Chawlhhmun a neih hi Assembly Speaker Lalrinliana Sailo chuan kaihruaiin he huna thu sawitu Home Minister Lalchamliana chuan Andrew H.Thangliana chu kum naupang te in MLA candidate a nih vawi khatna ah bial mipuiten duh takin an thlangtling nghal tih sawiin, a bial mipuite leh ram pawhin a la mamawh em em laia mual a liam ta mai chu pawi a tih thu a sawi a. A awmdan leh thusawi te a lo chik thin thu leh Mizoram tana thil tha duh em em tu, dikna tan tlattu nia a hmuh thu a sawi a. Ram rawngbawlna hna thawk rei hman lova a liam ta mai chu a mimal tak pawha a ui thu a sawi bawk.

He hunah hian ZPM MLA Lalduhoma pawhin Andrew H.Thangliana hian a bial mipuite tan theihtawp a chhuah tih sawiin, hma nasa takin a sawn a, hmabak eng tak a neih mek laia a hun tawp a hmang ta mai chu a ui takzet tih a sawi a. A bial a enkawlnaah mit a tlung a, hnathawh chhunzawm tur tam tak a hnutchhiah a ni, a ti bawk.

Nimin-a he hun hman ah hian Mizoram Legislative Assembly Secretary H. Lalrinawma chuan Andrew H.Thangliana chhungte hnenah Mizoram Legislative Assembly aiawhin ralna sum cheng nuai 15 a hlan a, Supply Minister K. Lalrinliana pawhin he hunah hian thu a sawi bawk.

Comments

Chhiar Hlawhte