Latest News

Zoram-ah ram roreltu tha awm ve tawh se tih duh vanga mi mangang tlankhawm kan ni - K. Sapdanga

ZPM Working President K. Sapdanga chuan ZPM chu Zoram-ah ram roreltu tha awm ve tawh se tih duh vanga mi mangang tlankhawm an nih thu a sawi.

Nimin-a an Party Conference Hall-ah mi thar lawmluhna hun an buatsaih he ZPM Working President chuan ZPM-ah Senior leh Junior an awm lo tih sawiin, “Zoram-ah ram roreltu tha awm ve tawh se tih duh vanga mi mangang tlankhawm mai kan ni,” a ti a. “Mizoram hi kan tu leh fate seilenna tlak a nih ve theihna tura rualawt ngawih ngawih Mizote zingah kan tam ta hle tih hi kan hotuten an awm tih an hria a, mi zawng zawng leng turin Movement bawm lian tak an lo siam a, lo lut khawm a, rawn kaihruai turin mi zawng zawng kan sawm a ni,” a ti.

ZPM Working President chuan, “Kan thupui ber chu, he kan ram neihchhun hi kan tu leh kan fate seilenna tlaka siam leh, chhungkaw tin ten eizawnna ngelnghet an neih theihna tura sawrkar chakna hman hi a ni ber mai,” tiin “Kan lo sawrkar ve mial a nih pawhin, Minister-te bathlara thlawhhma neih ang chi hi tih bo a ni anga, corruption-te hi do ngawt lovin, thuneihna hmangin kan khap ang a, thu awih lo chuan dan an hmachhawn mai turah kan ngai. Hlemhletna hi a chhip atangin kan thuai ang a, hmasawnna erawh chu a mawng atangin kan dawm ang. He ram hian sawrkar thar hrim hrim a mamawh lo a, huaisen taka kalphung dik zawka rorel ngam sawrkar thar a mamawh tawh a ni,” a ti bawk.

Comments

Chhiar Hlawhte