Latest News

Pathianni-ah hri kai mi 558 hmuh leh an ni

Pathianni khan Mizoram-ah Sample 2879 enfiah leh niin heng atang hian COVID-19 hri kai 558 hmuhchhuah leh an ni a, Sample en zawng zawng atanga za zela 19.38 te chuan hri an kai a ni.

Pathianni khan ZMC-a RT-PCR Laboratory-ah Sample enfiah awm lovin Fluorescent Immunoassay (FIA) Test hmanga Sample enfiah mi 3 te chuan hri an kai vek a, an vai hian Aizawl khawpui chhung ami vek an ni. District hrang hranga TrueNat Laboratory 11 atangin Lawngtlai, Khawzawl, Kolasib leh Lunglei District atangin Sample 73 enfiah a ni a, heng atang hian hri kai mi 18 hmuhchhuah ni bawkin an zinga 17 te chu Lawngtlai Dsitrict ami an ni a, midang pakhat hi Kolasib District ami a ni.

Rapid Antigen Test hmangin Sample 2803 enfiah ni bawkin heng atang hian COVID-19 hri kai 537 hmuh an ni bawk a, an zinga 360 te chu Aizawl District ami te niin Bethlehem Vengthlang-ah hri kai mi 27 zet hmuhchhuah leh niin a dang hi Veng leh khua 74 ami te an ni. Kolasib District-ah hri kai mi 76 hmuh niin Mamit District-ah 61 hmuh an ni bawk a, Lunglei District-ah hri kai mi 18, Serchhip District-ah 17, Champhai District-ah 4 leh Khawzawl District-ah hri kai mi pakhat hmuh an ni bawk.

Mizoram-a COVID-19 hri kai enkawl zingah nimin khan tlai dar 5:00 thlengin mi 433 te enkawl dam an ni ve leh bawk a, heti hian nimin tlai dar 5:00 thlenga Mizoram-a hri kai hmuhchhuah chu 79,729 ni tawhin an zinga 65,769 te chu enkawl dam an ni tawh a, hei hi hri kai hmuhchhuah atanga chhutin za zela 82.49 niin tunah hian hri kai enkawllai 13,699 an awm mek a, nizan dar 7:20 khan K. Lalhruaia (45), Zemabawk North chu COVID-19 vanga boral ve lehin Mizoram-ah hri kai mi 262 an boral tawh a ni.

Comments

Popular News (Last 30 Days)