Joint VC hruaitu thlanna nei

/

Serchhip Town chhunga Village Council te intelkhawmna, Serchhip Town Joint VC chuan nimin khan hruaitu thar thlanna an nei.

Nikum Sept. 15-a Serchhip Town Joint VC ten kum khat chhunga an hruaitu tur thlanna neia hruaitute term a tawp dawn tak avangin nimin khan Ser-chhip Vengchung-a Zoluti Hall-ah kum 2021-2022 chhunga Serchhip Town Joint VC hruaitu thlanna hi neih a ni a. Chairman atan V. Tlang-thuama (VCP, Serchhip Kawnpui); Vice Chairman-ah C. Vanlalsiamthara (VCP, Serchhip P&E Veng), Secretary-ah K. Laldaihvela (Treasurer Serchhip Kawnpui); Asst Secretary-ah HL. Muanthanga (Vice President, Serchhip Kawnpui North); Treasurer-ah C. Lalrinmawii (Treasurer Chhiahtlang South) te thlan an ni.

Heng hruaitu thlan thar te hian nimin vek khan hruaitu kalchhuak turte hnen atanga mawh-phurhna la nghalin, rorelna neih zui a ni a. An thurel zingah Serchhip District Truck Owners Association te leivung paihna hmun ngaihtuahpui leh Serchhip District khawchhak lam, Lungpho, Ngentiang, Rullam leh Hmunzawl khaw panna kawng siamthat chungchang sawrkar-a thlenpui te a tel a ni. Serchhip Joint VC-ah hian Town chhunga VC 14 te an tel a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »