Mizoram-a hri kai hmuhchhuah sing ruk tling dawn

Niminpiah khan Mizoram-ah Sample 9604 enfiah leh niin heng atang hian COVID-19 hri kai 880 hmuhchhuah an ni a, Sample enfiah atanga za zela 9.15 te chuan hri hi an kai a ni.

Niminpiah khan ZMC-a RT-PCR Laboratory-ah Sample 983 enfiah niin heng atang hian hri kai mi 141 hmuhchhuah leh an ni a, an vai hian Aizawl District atanga Sample lak niin hri kai hmuhchhuah tamna ber Laipuitlang-ah hri kai 23 hmuh an ni a, Tuikhuahtlang-ah 15 hmuhchhuah ni bawkin a bak zawng hi Veng leh khua 31 ami an ni. Fluorescent Immunoassay (FIA) Test hmangin niminpiah khan Aizawl-ah Sample 26 enfiah ni bawkin heng atang hian hri kai mi 4 hmuh an ni a, an vai hian Aizawl khawpui chhung ami an ni bawk.

District hrang hranga TrueNat Laboratory-ah niminpiah khan Sample 417 enfiah niin heng atang hian hri kai 28 hmuhchhuah an ni leh bawk a, an zinga 15 te chu Lunglei District atanga hmuhchhuah niin Lawngtlai District atangin 6, Khawzawl District atangin 6 leh Serchhip District atangin pakhat te an ni.

Rapid Antigen Test hmangin niminpiah khan Mizoram hmun hrang hrangah Sample 8178 enfiah ni leh bawkin heng atang hian hri kai 706 zet hmuhchhuah an awm leh a, an zinga 316 te chu Aizawl District ami te niin Bawngkawn-ah hrik ai 23 zet hmuhchhuah awm lehin Bethlehem Vengthlang-ah pawh 22 hmuhchhuah leh an ni a, Salem Veng-ah 16 leh Tuikhuahtlang-ah 15 hmuh niin a dang hi Veng leh khua 67 ami te an ni.

Lunglei District-ah pawh hri kai 103 zet hmuhchhuah belh leh an ni bawk a, Kolasib District-ah 76 hmuh niin Saiphai-ah 27 hmuh an ni a, Lawngtlai District-ah hri kai 75 hmuh niin an zinga 28 te chu Bungtlang South khua ami an ni a, Mamit District-ah hri kai 70 hmuh niin an zinga 31 te chu Rengdil khua an ni a, Saiha District-ah 26, Serchhip District-ah 14, Khawzawl District-ah 13, Champhai District-ah 11 leh Hnahthial leh Saitual District-ah hri kai pakhat ve ve hmuh an ni bawk.

Mizoram-a COVID-19 hri kai hmuhchhuah chu mi sing ruk an tling dawn ta a, nimin tlai thlenga hri kai hmuhchhuah chu 59,999 Vawiin a report chhuakah hri kai hi sing ruk an tling dawn a. Nimin khan hri kai te zingah 545 enkawl dam leh niin heti hian nimin tlai dar 5:00 thlenga Mizoram-a hri kai enkawl dam chu 50,715 niin hei hi hri kai hmuh atanga chhutin zaa 84.53 an ni a, tunah hian hri kai enkawllai 9066 an awm a ni.

Mizoram-a COVID-19 hri kai zingah pawh boral awm belh ve zelin nimin zing khan Nuziki (68), Maubawk chu ZMC-ah a boral ve leh a, heti hian nimin tlai thlengin hri kai zingah mi 218 an boral ta a, Mizoram District 11 te zingah Khawzawl leh Hnahthial District tihloh ah hri vanga boral awm vek tawhin a tam ber 170 te chu Aizawl District ami an ni thung.