Mizoram-ah COVID-19 hri kai hmuh an pung zel

Mizoram-ah COVID-19 hri kai hmuhchhuah an la pung zel a, niminpiah khan Sample 9254 enfiah atangin hri kai 1214 hmuh niin Sample enfiah zawng zawng atanga zaa 13.12 te chuan hri an kai a ni.

ZMC-a RT-PCR Laboratory-ah niminpiah khan Sample 1471 enfiah niin heng te hi Aizawl, Serchhip leh Mamit District atanga Sample lak te an ni a, heng atang hian hri kai mi 139 hmuhchhuah niin an zinga 135 te chu Aizawl District-a Sample lak te an ni a, Venghnuai atangin hri kai mi 20 hmuh niin Muanna Veng-ah 16 leh Salem Veng-ah hri kai mi 15 hmuh an ni bawk a, a bak hi Veng leh khua 34 ami an ni. Serchhip District atamga Sample thawn te atangin hri kai mi 4 hmuh an ni bawk a, an vai hian Thenzawl atanga Sample lak te an ni.

District hrang hranga TrueNat Laboratory-ah Sample 448 enfiah ni bawkin heng atang hian hri kai mi 51 hmuhchhuah an ni a, an zinga mi 15 te chu Lawngtlai District ami niin Kolasib District-ah 12, Mamit District-ah 9, Champhai District-ah 8, Hnahthial District-ah 4, Serchhip District-ah 2 leh Khawzawl District-ah hri kai mi pakhat hmuh an ni a. Aizawl District-ah Fluorescent Immunoassay (FIA) Test hmanga Sample 89 enfiah atangin hri kai mi 13 hmuhchhuah niin an vai hian Aizawl khawpui chhung ami te vek an ni bawk.

Rapid Antigen Test hmangin niminpiah khan Sample 7195 enfiah ni bawkin heng atang hian hri kai 1011 hmuhchhuah leh an ni a, heng hri kai hmuhchhuah zinga 653 te chu Aizawl District-a hmuhchhuah niin Bethlehem Vengthlang-ah hri kai 78 zet hmuhchhuah an ni a, a bak hi Veng leh khua 81 ami te niin Mass Test neihna Bawngkawn-ah 104, Zemabawk-ah 89 leh Bethlehem-ah hri kai mi 77 hmuh an ni bawk. Heng bakah hian Kolasib District-ah hri kai 116 hmuhchhuah niin an zinga 26 chu Saiphai khua an ni a, Lunglei District-ah hri kai 61 hmuh ni bawkin Mamit District-ah 56, Champhai District-ah 45, Lawngthlai District-ah 41, Serchhip District-ah 20, Khawzawl District-ah 16, Hnahthial District-ah 2 leh Saitual District-ah hri kai mi pakhat hmuh an ni.

Mizoram-a COVID-19 hri kai enkawl zingah nimin khan mi 421 te chu anmahni enkawlna hmun atanga chhuahtir niin heti hian nimin tlai dar 5:00 thlenga Mizoramk-a hri kai hmuhchhuah chu 66,910 niin heng zinga 55,118 te chu enkawl dam an ni tawh a, hei hi hri kai hmuh atanga chhutin za zela 82.38 niin tunah hian hri kai enkawllai 11,564 an la awm mek a ni.

Nizan hmasa dar 12:35 khan Sadhana Devi (40), Kamlanagar V chu Chawngte CHC-ah COVID-19 vangin a boral ve leh a, heti hian nimin tlai thlengin Mizoram-a hri kai zingah mi 228 te chu an boral tawh a ni.