Hri kai 24 hmuh belh leh

Zonuna Kawlni /

Nimin khan Serchhip District-ah COVID-19 hri kai mi 24 hmuhchhuah leh nini hri kai mi 6 te enkawl dam an ni thung.

Nimin a COVID-19 hri kai hmuhchhuah mi 24 zinga 15 te hi Ser-chhip khawpui chhunga Rapid Antigen Test atanga hri kai hmuhchhuah niin Ramthlun Veng ah hri kai mi 6 hmuh niin Bazar Veng leh IOC Veng-ah hri kai mi 3 ve ve hmuh an ni a, Din-thar Veng, Vengchung leh P&E Veng-ah hri kai mi pakhat theuh hmuh an ni bawk. Heng bakah hian Keitum khua ah Rapid Antigen Test hmangin hri kai mi 8 hmuh an ni bawk a, TrueNat Laboratory atanga Sample enfiah zingah hri kai mi pakhat hmuhchhuah a ni bawk.

Serchhip District-a COVID-19 hri kai te zingah nimin khan mi 6 te chu hri lakah fihlim in anmahni enkawlna hmun atanga chhuahtir an ni ve leh bawk a, hri kai enkawl dam zinga mi 3 te hi Nursing School CCC atanga chhuahtir niin midang pathum hi IAH Thenzawl atanga chhuahtir an ni bawk.

Heti hian nimin tlai thleng khan Serchhip District-a COVID-19 hri kai hmuhchhuah chu 1350 niin an zinga 1025 te chu enkawl dam an ni tawh a, tunah hian hri kai enkawllai 322 awm mekin hri kai zingah mi 3 an boral tawh a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »