Latest News

Mipuite tan Serchhip Police Station dawr theih

Serchhip-a Police pakhat chuan COVID-19 hri a kai tih hmuhchhuah niin Serchhip Police Station erawh mipuite tana dawr theih tura hawn chhunzawm a ni.

Serchhip Police Station atanga thu kan dawn danin Serchhip-a Police pakhat chuan COVID-19 hri a kai tih nimin khan hmuh-chhuah niin hri kaina hriatloh leh chhui zui ngai a ni a, hei vang hian a lo kawm hnaih mi 6 te chu In lama inkhunghrang tura tih niin mipuite tana lo chi-ai na tur a awmlo a ni.

Serchhip-a Police zingah hri kai hmuh ni mah se Serchhip Police Station erawh mipui tana dawr theih tura hawn chhunzawm a nih thu Serchhip Police hotute chuan an sawi a. Police Station dawr tur mipuite erawh CAB tha taka zawm tura chahin, fimkhur turin an ngen a, Office dawr tur ten an mamawh tur hrang hrangte pawh midangte nen inhmantawm lo tura mahni intum turin an chah bawk a ni.

Hetihlai hian Serchhip DTO Office pawh niminpiah khan COVID-19 hri kai in a lo dawr avangin nimin khan mipuite dawr theihloh tura khar a ni a, Vawiin lam pawh hian dawr theih ala ni dawnlo nia thudawn a ni bawk.

Comments

Popular News (Last 30 Days)