Latest News

Mizoram-ah hri kai 1061 hmuh belhin 622 an dam

Niminpiah khan Mizoram-ah Sample 10,474 enfiah leh niin heng atang hian COVID-19 hri kai 1061 hmuhchhuah leh an ni a, Sample enfiah zawng zawng atanga chhutin za zela 10.13 te chuan hri kaiin ni khat-a hri kai hmuhchhuah chu an la pung zel a ni.

Niminpiah khan ZMC-a RT-PCR Laboratory-ah Aizawl leh Kolasib District atanga Sample lak 1580 enfiah niin heng atang hian COVID-19 hri kai mi 132 hmuhchhuah an ni a, an vai hian Aizawl District-a Sample lak vek niin Tanhril Vengthar atangin hri kai 13, Tuikhurhlu atangin 12 leh Zembawk atangin 11 hmuh an ni a, a bak zawng hi Veng leh khua 32 ami te an ni. Hei bakah hian Aizawl-ah hian Fluorescent Immunoassay (FIA) Test hmangin Sample 91 enfiah ni bawkin hri kai 25 hmuhchhuah an ni bawk a, an zinga mi 24 te hi Aizawl khawpui chhung ami te an ni bawk.

Mizoram District hrang hrang TrueNat Laboratory-ah niminpiah khan Sample 644 enfiah ni bawkin heng atang hian hri kai mi 70 hmuh an ni bawk a, an zinga mi 30 te chu Khawzawl District ami te niin an zinga 21 te chu Biate khua ami an ni. Lawngtlai District-ah hri kai mi 10 hmuh niin Champhai leh Serchhip District-ah 8 ve ve hmuh an ni a, Mamit District-ah hri kai mi 6 hmuh niin Aizawl, Lunglei, Siaha leh Hnahthial District-ah hri kai mi 2 theuh hmuh an ni bawk.

Rapid Antigen Test hmangin Sample 8159 enfiah atangin hri kai mi 834 hmuh an ni bawk a, an zinga mi 378 te hi Aizawl District-a hri kai hmuh te niin Thingsul Tlangnuam-ah 21 leh Aizawl Dinthar-ah hri kai mi 20 hmuh an ni a, a bak hi Veng leh khua 79 ami te an ni. Heng bakah hian Siaha District-ah hri kai mi 93 hmuh niin Kolasib District-ah hri kai 74 hmuh an ni a, Lunglei District-ah 70, Champhai District-ah 62, Serchhip District-ah 53, Lawngtlai District-ah 47, Mamit District-ah 31, Khawzawl District-ah 15, Hnahthial District-ah 9 leh Saitual District-ah hri kai mi 2 hmuh an ni bawk.

Mizoram-a COVID-19 hri kai enkawl zingah nimin khan mi 622 te chu hri lakah fihlimin anmahni enkawlna hmun atanga chhuahtir an ni ve leh bawk a, heti hian nimin tlai dar 5:00 thleng khan Mizoram a hri kai hmuhchhuah chu 67,971 niin an zinga 56,060 te chu enkawl dam an ni tawh a, hei hi hri kai hmuhchhuah atanga chhutin za zela 82.48 a ni a, tunah hian hri kai enkawllai 11,681 an la awm mek a ni.

Nizan hmasa zanlai-ah khan T. Rotluangi (81), Zotlang Lunglei chu COVID-19 vangin DCHC Pukpui-ah boralin nimin zing dar 8:30 khan Lalhmingmawia (58), Bawngkawn chu ZMC-ah a boral ve leh bawk a, heti hian nimin tlai dar 5:00 thleng khan Mizoram-ah hri kai te zingah mi 230 boral tawhin tun thla kan hman mekah hian hri kai zingah nitin boral an la awm ziah a ni.

Comments

Chhiar Hlawhte