Latest News

Hri kai mi 62 hmuh belh leh

Nimin khan Serchhip District-ah COVID-19 hri kai mi 62 zet hmuhchhuah belh leh an ni a, hri kai hmuhchhuah thar zinga a tam zawk te hi Serchhip khawpui chhung ami te niin Khaw-bel-ah mi 13 hmuh belh an ni a, Thenzawl-ah pawh hri kai pakhat hmuh a ni bawk.

Plastic sawngbawlna tur khawl rawn thleng

Serchhip District Bawrhsap hmalakna a Serchhip District in Plastic Sawngbawlna khawl, Plastic Shredder thar CSR Fund atanga dawn chu tunhnia khan Serchhip rawn thlenpui niin UD&PA Department kutah hlan nghal a ni.

Serchhip District in Plastic hman hlui hersawmna tur khawl a dawn hi Serchhip District Bawrhsap Kumar Abhishek-a hmalakna hnuaia Corporate Social Responsibily (CSR) kaltlanga hmuh a ni a, he khawl thar hi Shubh Industries, Ahmehabad Gujarat te siam niin Aizawl lama buaipui ngai ang ang buaipui a nih hnuah tunhnai khan Serchhip rawn thlenpui niin Serchhip-a UD&PA Department kutah hlan nghal a ni a, Serchhip-a Solid Waste Management Centre, Chhiahtlang Tualthah Mual-a din turah bun tura ruahman a ni.

Plastic Shredder hi Mizoram mai ni lo, North East State-ah pawh Serchhip chu a nei hmasa ber zing ami an nih thu Serchhip District Urban Development Officer, Dr. Albert Vanlalliantluanga chuan a sawi a, Serchhip khua leh a chhehvel mite chu Plastic chhia paih mai lova, lo khawl tawh turin a ngen bawk.

Serchhip District tana bawlhhlawh sawngbawlna hmun, Solid Waste Management Centre hi Chhiahtlang hmarlam atanga Lamchhip panna, Darzika Road-ah Special Assistance to State for Capital Expenditure hnuaiah Land Development thawh mek a nih thu Assembly thutkhawm neih zawh takah khan UD&PA Department changtu Deputy Chief Minister Tawnluia chuan Serchhip bialtu MLA, Lalduhoma zawhna chhangin a sawi a ni.

Comments

Chhiar Hlawhte