Latest News

Mizoram-ah hri kai 1294 hmuh belh leh an ni

Mizoram-ah COVID-19 hri kai hmuhchhuah belh zel ala ni a, niminpiah khan Sample 8396 enfiah leh niin heng atang hian COVID-19 hri kai mi 1294 hmuh leh niin Sample enfiah zawng zawng atanga za zela 15.41 te chuan hri an kai a ni.

Niminpiah khan ZMC-a RT-PCR Laboratory-ah Aizawl leh Mamit District atanga Sample lak 1783 enfiah niin heng atang hian COVID-19 hri kai 356 hmuh an ni a, an vai hian Aizawl District atanga Sample lak vek niin Durtlang Leitan-ah hri kai mi 26 zet hmuh an ni a, hri kai mi 10 leh a aia tam hmuhna Veng 16 zet ala awm bawk a ni. Heng bakah hian Aizawl-ah Fluorescent Immunoassay Test hmangin Sample 192 enfiah ni bawkin hri kai mi 24 hmuh an ni a, an vai hian Aizawl khawpui chhung ami te vek an ni.

Niminpiah khan Aizawl tihloh District hrang hrang 11-a TrueNat Laboratory-ah Sample 306 enfiah niin hri kai mi 46 hmuh an ni bawk a, an zinga mi 22 te chu Lawngtlai District-a hri kai hmuhchhuah te niin Siaha District-ah hri kai mi 9 hmuh an ni bawk a, Champhai District-ah 7, Lunglei leh Serchhip District-ah mi 3 ve ve leh Hnahthial District-ah hri kai mi 2 hmuh an ni bawk.

Heng bakah hian Mizoram-ah Rapid Antigen Test hmangin Sample 6115 enfiah ni bawkin heng atang hian COVID-19 hri kai mi 868 hmuhchhuah an ni bawk a, an zinga 449 te hi Aizawl District-a hmuh te niin ITI Veng Restricted Area-ah hri kai mi 44 zet hmuh an ni. Siaha District-ah pawh hri kai mi 119 hmuhchhuah niin Lawngtlai District-ah 81 hmuhchhuah an ni bawk a, Lunglei District-ah hri kai mi 55 hmuh ni bawkin Serchhip District-ah 47, Mamit District-ah 40, Champhai District-ah 29, Kolasib District-ah 25, Hnahthial District-ah 12, Khawzawl District-ah 8 leh Saitual District-ah hri kai mi pathum hmuh an ni bawk.

Heti hian nimin thlengin Mizoram-a hri kai hmuhchhuah chu 84,109 ni tawhin nimin-a mi 678 enkawl dam nen mi 68,877 te enkawl dam an ni tawh a, hri kai enkawllai 14,954 an awm mek a ni.

Mizoram-a COVID-19 hri kai zingah mi 279 zet boral tawhin nizan hmasa dar 8:00 khan Remruatpuia (14), Serchhip Ramthlun Veng chu boralin hemi hnu zan dar 10:30 khan Lalduhthangi (79), Kulikawn chu a boral ve leh a. Nimin zing dar 1:00 khan Zopari (70), AOC Veng Lawngtlai chu COVID-19 vanga boralin zing dar 4:40 khan B. Vanlallawma (48), New Vengpui Lawngtlai chu a boral ve leh bawk a. Nimin zing dar 5:30 khan Lalrinliana (35), Ramhlun North chu boral ve lehin Ramhlun North ami tho F. Laltanpuii (50) chu nimin zing dar 5:50 khan a boral ve leh bawk a. Nimin chhun dar 12:30 khan K. Sainawla (75), Electric Veng Lunglei chu boral ve lehin tlai dar 3:10 khan Lalthankima (59), Lawipui chu a boral ve leh a, nizan dar 6:30 khan R. Laithanga (76), North Vanlaiphai chu a boral ve leh bawk a ni.

Comments

Chhiar Hlawhte