LADC CEM thar pawmna Governor in a tichhuak

/

Lai Autonomous District Council (LADC) Chief Executive Member (CEM) atana Paithar bialtu MDC, V. Zirsanga pawmpuina chu nimin khan Mizoram Governor chuan a tichhuak.

Thla hlui August 26-a LADC Fur thutkhawm ah CEM nilai MNF Legisalture Party hruaitu Mang-hmunga Chinzah kaihhruai chu MNF Legislature Party-a tel MNF Member pali (4) ten House chhungah rintawklohna Motion pulutin, LADC Executive Committee dinglai chu paihthlak a ni a, a tuk August 27-ah chuhtu awm lovin MNF Legislature Party-a tel Paithar Bialtu MDC leh Sawrkar paihthlak taka Chairman nilai V. Zir-sanga chu Chief Executive Member atan thlan a ni.

LADC kaldan ah CEM tur chu Governor in a pawmpui phawt a ngaih a vangin Governor pawmpui tura thawn a nih hnuah, nimin khan LADC-a Chief Executive Member atan V. Zirsanga pawmpuina hi tihchhuah a ni.

V. Zirsanga hi kum 2005 atangin LADC inthlanpui tum 4 neihtawh ah a zawnin Paithar bial atangin thlantlin ala ni a, nikum kumtawp lama LADC inthlanpui neih ah khan a bial ngai Paithar bial-ah MNF Party Ticket in MDC atan thlantlin a ni a, chawl lovin kum 16 chhung MDC a nihna a hmang mek a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »