Latest News

Chanchin thar thenkhat :

Online-a result enna hawng

Zoram Medical College (ZMC) Director Dr. John Zohmingthanga chuan Online hmanga RT-PCR Test result en theihna tur, 'Online RT-PCR result Portal' chu nimin khan ZMC Library-ah a hawng. Online RT-PCR result portal hawn tak hi www.zmcvrdl.com atanga luh theih niin, ZMC OPD-a sample lakte result download theih tura chhawpchhuah a ni a. He portal-ah hian SRF-ID, Sample lak ruala SMS-a lo thleng chu chhutluha, result download theih a ni ang. He portal hi a bik takin zin veivah nana negative Certificate mamawh te tana tangkai hle tura beisei a ni a. Hmun danga sample lakte result erawh he portal hian huam rih lovin hmun danga sample lak te result pawh hi huam thei tura buatsaih mek a ni. He Portal hi Lailen Consulting Pvt. Ltd. te buat-saih niin Server Hosting a thlawna an pek bakah result buatsaihtute hman tur Computer an pe bawk.


College Class kal dan tur rel

Nimin khan Champhai DC Conference Hall-ah District Disaster Management Authority (DDMA) chu thukhawmin College Class tan dan tur chungchang an sawiho a, COVID-19 laka himna tura inkaihhruaina te tha taka zawm chungin September ni 20, 2021 atangin College hawnga Class kal tan leh nise a ti a, Class kal dan tur kimchang chu College thuneitute kutah dah a ni thung. He hunah hian African Swine Fever (ASF) leng mek chungchang pawh sawiho niin Champhai District-ah ASF vangin Vawk 499 an thi tawh a, a thih tamna ber Zokhawthar khuaah Vawk 257 an thi tling tawh a ni.


MZP in thinlung takin lo lawm

MZP General Hqrs. chuan kan unau Myan-mar a awm ten himna zawnga an ram thianghlim ‘Zofate Jerusalem’ an rawn pankhawm chu thinlung takin an lo lawm tih thuchhuah siama tarlangin, Sipai  rorelna in mipui thlantlin te hnen a thuneihna hlan duh lova ,ipui zalenna (Democracy) palzut a anmahni leh anmahni thuneihna an in pe chawp chu vanduaithlak an tih thu an sawi bawk.


Ramri chungchangah in kawm

BJP Mizoram Pradesh President Vanlalhmuaka leh BJP Assam State President Bhabesh Kalita te chu nimin khan Assam State BJP Office-ah inkawmin tunhnaia Assam leh Mizoram State ramri chungchanga buaina leh ramri ah buaina awm lova nundan phung pangngaia engkim a awm leh theih dan tur an sawidun a, heng State pahnih BJP President te hian tun hnuah ramri-ah buaina a awm tawh lohna turin hmalak dun an tum thu an sawi bawk tih BJP chuan thuchhuah siamin an tarlang.


Refugee Camp siam turin ngen

PC Party chuan khawchhak lama kan unau Zohnahthlakte'n harsatna nasa tak tawka Mizo-ram-a an rawn raltlan belh zel chu an tuarpuiin an lainat takzet tih an sawi a. Kan unaute baih-vai taka awm, khawngaih leh lainat taka lo tuamhlawmtu zawng zawngte fakawm an tih thu pawh sawiin, raltlan ten Dan ang thlapa tanpuina leh chhawmdawlna an dawn theih nan Refugee Camp siam turin Mizoram sawrkar an ngen bawk.


Tanky-ah naupang 2 tlahlum

Lawngtlai District Sangau bul, Thaltlang khua a hmeichhe naupang pahnih chu nimin tlai dar 3:20 vel khan Thaltlang Tanky siam zawh hlim la hman loh ah an tlahlum. Thudawn danin he Tanky hi khaw lu lama awm niin siam thar leh la hman loh, a khat-a tui dah chhin mek a ni a, hei vang hian uluk taka kharin nimin tlai khan Ngunthatinchuaii (6) leh Rohluzuali (13) te hi kalin a naupang zawk hian Silipar ti tla palhin hemi chhar tur hi chesualin a tla zui a, Rohluzuali hian chhan tum ve lehin ani pawh hi a tla ve leh tih helai hmuna awm ve naupang te chuan an sawi a, khawchhung a puitling awm te an hrilh hnuah heng mite hi lakchhuah ni mah se an lo boral hman tawh a, nizan vek khan vuiliam nghal an ni.

Comments

Chhiar Hlawhte