Latest News

SEDP kaltlangin Serchhip ah Sangha chi sem a ni

Serchhip District-a Sangha vulhtute hnenah nimin zing khan Mizoram sawrkar Flagship Prog-ramme, SEDP kaltlangin Sangha chi semchhuah a ni.

SEDP kaltlanga Sangha chi semna hun hi nimin zing khan Serchhip Circle huamchhunga mi te tan DFDO Office Tual leh Sailiamkawn-ah neih a ni a, heng Sangha chi semna atan hian sawrkar chuan a man atanga za zela 70 tum sakin Sangha khawitu ten zaa 30 an tum ve bawk a, heng Sangha chi te hi Kut Zungchal chen (Fingerling) tur niin pakhat hi Rs. 4/- man zel a ni a, sawrkar in zaa 70 a tum sak avang hian Sangha khawitute chuan pakhat Rs. 1.20 hisap in an lei theih phah a ni.

Tun tuma Sangha chi dawng turte hi a hma lama in hriattir tura tih tawh niin amaherawh chu an beisei zat erawh pek theih an ni lo thung a, tun tuma sem te hi India rama Sangha thang duh leh vulh lar ber ber te niin Indian Major Carp (IMC)- Catla, Rohu, Mrigal leh Exotic Major Carp (Grass Carp leh Common Carp) te an ni a. Serchhip District-ah hian SEDP kaltlang hian Sangha chi nuai 6 sem tura ruahman niin tun thla ni 3 khan East Lungdar Circle-ah leh ni 6 khan Chhingchhip Circle-ah te semchhuah a lo ni tawh a, Circle dang ah pawh sem chhunzawm leh tur a ni ang.

Comments

Chhiar Hlawhte