Latest News

Serchhip Sub-Hqrs. YMA in raltlan tanpui rel

Serchhip Sub-Hqrs. YMA chuan Myanmar ram buaina avanga Mizoram-a rawn raltlan te tan an huamchhungah tanpuina khawn nise an ti.

Serchhip Sub-Hqrs. YMA hian nimin khan Serchhip-a Sub-Hqrs. YMA Conference Hall-ah SEC Meeting neiin Myanmar ram buaina thleng avanga Mizoram-a Zohnahthlak rawn raltlan te chungchang hi an ngaihtuah a, heng raltlan te hi a theih anga tanpui ve relin, Serchhip Sub-Hqrs. YMA in Direct-a a awp Branch 6 leh Town Branch 22 bakah Sub-Hqrs. YMA hnuaia Group pathum-ah te tanpuina hi khawn nise an ti a, tanpuina khawn ang ang te hi October 10, 2021 ralhmain Serchhip Sub-Hqrs. YMA-ah thehluh nise an ti bawk. Raltlante tanpuina tur hi sumfai-a khawn tura ruahman niin thawmhnaw leh bungrua pe an awm a nih pawhin Serchhip Sub-Hqrs. YMA-ah thehlutin a semchhuah leh dan tur chu la sawiho leh nise an ti a. Branch hrang hrang ten raltlan dawnsawn an neih te pawh a hma aia uluk leh rang zawkin thehluh thin nise an ti bawk.

Serchhip Sub-Hqrs. YMA SEC thukhawm hian kumin a YMA General Conference neih tur kaihhnawih hrang hrangte pawh relin, Central YMA hruaitu thlanna neih turah Nomination siam loh an rel a, Agenda thehluh turah YMA Dan Bu ennawn leh YMA Kumpuan atan ‘Ram leh Hnam humhalh’ te thawh nise an ti bawk.

Comments

Chhiar Hlawhte