Serchhip District-ah hri kai hmuhchhuah belh zel

Zonuna Kawlni /

Nimin thleng khan Serchhip District-ah CO-VID-19 hri kai hmuhchhuah belh zel an la ni a, nimin thlenga hri kai hmuhchhuah chu 1115 an tling tawh.

Inrinni khan Serchhip District-ah hri kai mi 14 hmuhchhuah belh niin TrueNat Laboratory-a Sample enfiah atangin hri kai mi 2 hmuh niin Serchhip Chhim Veng mi, tunhnaia State pawn atanga rawn haw an ni a, Rapid Antigen Test hmanga Sample enfiah atangin Bazar Veng, Field Veng leh P&E Veng atangin hri kai hmuh belh an ni bawk. Nimin khan Serchhip District-ah hri kai mi 3 hmuhchhuah belh leh an ni a, Serchhip Field Road, East Lungdar leh Thenzawl te an ni.

Inrinni khan Serchhip District-a hri kai enkawl zingah mi 5 te chu anmahni enkawlna hmun atanga chhuahtir niin Nursing School CCC atangin mi 3 leh IAH Thenzawl leh 4C Chhing-chhip atangin mi pakhat ve ve an ni a, nimin khan Nursing School CCC atangin Serchhip Veng-chung mi 3 leh IAH Thenzawl atangin mi 8 chhuahtir an ni.

Nimin tlai thlenga Serchhip District-a COVID-19 hri kai hmuhchhuah chu mi 1115 an tling ta a, an zinga 979 te chu enkawl dam ni tawhin tunah hian hri kai enkawllai 133 zet an awm mek a, hri kai zingah mi 3 an boral tawh bawk a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »