Latest News

Mizoram-ah hri kai hmuh tam ber ni a thleng leh

Niminpiah khan Mizoram-ah Sample 9165 enfiah niin heng atang hian COVID-19 hri kai 1502 hmuhchhuah an ni a, Sample enfiah atanga za zela 16.39 te chuan hri kaiin Mizoram-ah ni khat-a hri kai hmuhchhuah an tam ber tum a ni.

Niminpiah khan ZMC-a RT-PCR Laboratory-ah Aizawl leh Serchhip District atanga Sample lak 2612 enfiah niin heng atang hian COVID-19 hri kai 335 hmuhchhuah an ni a, an zinga 334 te chu Aizawl District-a Sample lak te niin Muanna Veng-ah 29 leh, Zema-bawk-ah hri kai 23 hmuh an ni a, hri kai mi 10 leh a aia tam hmuhna Veng 8 awm bawkin a dang zawng hi Veng leh khua 51 ami te niin Serchhip District atanga Sample lak zingah hri kai mi pakhat hmuh a ni a, Thenzawl khaw mi a ni. Fluorescent Immunoassay Test hmanga Sample enfiah 143 atangin Aizawl mi hri kai mi 21 hmuh an ni bawk.

Mizoram District hrang hrang 11-a TrueNat Laboratory 11 te zinga 8-ah Sample 250 enfiah niin heng atang hian hri kai mi 59 hmuh an ni bawk a, an zinga 22 te chu Champhai District atanga hri kai hmuh te niin Lawngtlai District-ah 15, Siaha District-ah 10, Lunglei District-ah 7, Serchhip District-ah 3 leh Hnahthial leh Saitual District-ah hri kai mi pakhat ve ve hmuh an ni bawk.

Niminpiah khan Rapid Antigen Test hmangin Mizoram-ah Sample 6160 enfiah ni bawkin heng atang hian hri kai 1087 hmuh an ni bawk a, an zinga 524 te chu Aizawl District-a hri kai hmuhchhuah niin hri kai hmuh tamna ber Chaltlang-ah hri kai 22 hmuh an ni a, hri kai 10 leh a aia tam hmuhna Veng leh khua 14 lai awmin a dang zawng te hi Veng leh khua 78 ami te an ni a, Mass Test neihna Durtlang Leitan-ah hri kai mi 68 hmuh an ni bawk. Heng bakah hian Champhai District-ah hri kai mi 122 hmuh niin an zinga 49 te chu Zokhawthar ami an ni a, Siaha District-ah hri kai 91 hmuin Serchhip District-ah pawh 91 bawk hmuh an ni a, Lunglei District-ah 77, Lawngtlai District-ah 76, Kolasib District-ah 50, Mamit District-ah 42, Hnahthial District-ah 8 leh Khawzawl District-ah hri kai mi 6 hmuh an ni bawk.

Mizoram-a COVID-a hri kai enkawl zingah nimin khan mi 879 te enkawl dam leh niin nimin tlai dar 5:00 thlenga Mizoram-a hri kai hmuh chu 72,883 niin an zinga 60,152 te chu enkawl dam an ni tawh a, hei hi hri kai hmuhchhuah atangin zaa 82.53 niin hri kai enkawllai 12,487 an la awm mek a ni. Nimin khan hri kai enkawl zingah mi 3 boralin Doris Lalbiakmuani (16), ITI Veng chu nimin zing dar 9:00 khan a boral a, chawhma dar 10:00-ah C. Romawii (75), Seling chu boral ve lehin dar 12:30 khan Lalnunmawia (44), Bethlehem Vengthlang chu a boral bakah PC. Liansangpuii (41), Zemabawk chu nimin tlai dar 3:00 khan a boral ve leh a, Mizoram-a hri kai zingah mi 245 an boral ta a ni.

Comments

Chhiar Hlawhte