Latest News

Hri kai mi 62 hmuh belh leh

Nimin khan Serchhip District-ah COVID-19 hri kai mi 62 zet hmuhchhuah belh leh an ni a, hri kai hmuhchhuah thar zinga a tam zawk te hi Serchhip khawpui chhung ami te niin Khaw-bel-ah mi 13 hmuh belh an ni a, Thenzawl-ah pawh hri kai pakhat hmuh a ni bawk.

Chanchin thar thenkhat :

LESDE Director in hawng

Labour Employment, Skill Development & Entrepreneurship Department Director K. Lalhmingliana chuan TharThilThlenTu Entrepreneurship & MSME Support Center, Mission Veng-a mi chu nimin khan a hawng. He Centre thar hawnna hunah hian LESDE Director chuan Skill Development leh Entrepreneurship chawikangtu tur Center thar, Mizo thalaite siam ngei din a lo ni ta chu lawmawm a tih thu a sawi a. Min hualtu ramdangte’n min beihna ber chu Skills leh Entrepreneurship a ni tih pawh sawiin, nasa taka hetiang lama kan tan chuan engtikah mah Mizoram hi min chhuhsak lovang, a ti bawk.

TiLi Centre-ah hian thalaite'n intih-hmasawnna atana an hman theih tur Learning Space te, Mizoram a la awm ngai lo – Private Office mamawh te inhmantawm theih tur, Co-Working Space te, Training Center leh Meeting Room hman hawh theih turte leh Startup company tharlam te enkawlna hmun te a awm a ni.


P&E Minister an dem

Congress Thalai, Mizoram Pradesh Youth Congress Committee chuan Assembly Session ah P&E Minister R. Lalzirliana chuan August ni 24, 2021-a Vanapa Hall kawt-a Electric Bill sâng avânga lungawilohna lantirtute a dem thu a chhakchhuak chiam tih thuchhuah siama tar-langin, hemi chungchanga MPYCC hmalakna Joint Electricity Regulatory Commission (JERC)-in rawtna a siam hun laia sawi lovah a puh chu thil nihna dik tak pehhel kualna mai a ni, an ti a. “MPYCC-ten lungawi lohna a huaihawt chhan chu chiang taka a hriat Mizoram-a Meter reading neih mumal loh leh dik tawk lo a tam avânga Electric bill uchuak taka mipui-a khawn a nih vâng hi a ni,” tiin “Mipui in a lo thlawna sum tam tak an chawi thlawn tûr lam ngaihtuah duh hauh lova thiam channa lâi chauh sawi tumtu mahni mawhphurhna hlen zo lo, R. Lalzirliana hi P&E Minister a nihna atanga bang tûrin kan phut nawn a, kan umzui zêl dâwn a ni,” an ti bawk.


Phai atanga Ganja lut man

Nimin chawhnu dar 1:15 khan Kolasib Sub-Hqrs. YMA hnuaia Ruihhlo Do Volunteer te chuan an thudawn bawhzui in Kolasib Vengthar huamchhunga NH-54 ah phailam atanga lokal lirthei pakhat (TATA Ace Regn No. AS-11DC/0107) atangin Ganja Kg 3.800 a rit an man a, Ganja leh a neitu a puh hnamdang mi pali te chu Kolasib Excise & Narcotics Department hotute kutah hlan an ni. He lirthei hian Bhaga atangin Balu leh Alu bag khat a phur a, Alu bag hnuai atang hian Ganja te hi man a ni.



Ramri-a buaina vei lo ah ngai

PC Party chuan nimin khan thuchhuah siamin Mizoram Legislative Assembly Session ah ramri-a Mizoram leh Assam buaina chungchang vei pha MLA hmuh tur an vang chu lungchhiatthlak an tih thu sawiin,  ramri chungchanga kan harsatna tawh an vei loh zia a tilang chiang ah an ngai tih an sawi.


High Risk Ward siam duh

ZPM Thalaite chuan COVID hripui lêng in Damdawi In pantu damlote tân harsatna a thlen nasa hle tih sawiin, mipuite harsatna phuhru tur hian sawrkâr Damdawi In-ah te High Risk Ward siam a nih theihna tura hma la turin Mizo-ram sawrkâr an ngen thu an sawi bawk.

Comments

Chhiar Hlawhte