Latest News

Mobile Service thalo ah Consumers Assn. in hma la

Serchhip District Consumers Association te chuan Jio Mobile Service leh Bharti Hexacom Ltd. (Airtel) te chu ni 7 chhunga an Signal pek an siamtha lo a nih chuan Consumer Court, District Commission-ah khin an tum thu an hrilh.

Heng mobile Service Provider pahnih te hnenah hian Inrinni kalta, Sept. 18, 2021 khan Serchhip District Consumers Association hian lehkha thawnin tunlai hian Jio Mobile Service leh Airtel Mobile te hi signal a thalo hle tih mipuite atanga an dawn thu leh nikum lamah pawh complain an lo dawn tawh thu an sawi a. Hetianga Network a chhiat tum pawhin subscriber-ah mumal taka hriattirna emaw, an hmalakna mek tarlan mumal a awm ngai lo chu Customer te zahlohna nia an hriat thu leh, Consumer Protection Act 2019 Section 2 (11) in a tarlan Deficiency in Service nia an hriat thu an sawi a.

Hei bakah hian Mobile Signal hi a pawi-mawh ta hle tih sawiin, Zirlai ten Onlice Class an kal deuh vek tawh avangin Mobile Network thatloh avang hian zirlai tam takin an tuar mek tih an sawi a. Hei vang hian he lehkha an tihchhuah (Sept. 18, 2021) atanga ni 7 ralhma (Sept. 24, 2021) a Serchhip-a an Network thalo te hi an siamtha lo a nih chuan District Commission-ah Complain thehluh a ni dawn tih an hriattir a ni.

Comments

Popular News (Last 30 Days)