Assembly thutkhawm nei tan dawn

Mizoram Legislative Assembly thutkhawm chu Vawiin chawhma dar 10:30 hian neih tan a ni dawn a, ni 3 chhung awh tur he thutkhawm hi September 9 thleng khian neih a ni ang.

Mizoram Legislative Assembly 8-na thutkhawm vawi 8-na Vawiin-a neih tan ni hian Minister hlui PC. Zoram Sangliana leh MLA a nih laia thi Tuirial bialtu Andrew H. Thangliana te sunna hun hman a ni dawn a, naktuk leh naktip khian hun hmasa lamah zawhna leh chhanna hun hmangin hemi hnu hian sawrkar thil pawimawh te ngaihtuah zui a ni dawn a ni.

Tun tuma Assembly thutkhawm neih tur atan hian nimin thleng khan Dan dinglai siamthatna tur rawtna pakhat a lut tawh a, Rorel Inkhawm neih turah hian House chhunga chhan chi zawhna (Starred question) 258 leh ziaka chhan chi zawhna (Unstarred question) 225 a lut tawh bawk a ni.