Auto Rickshaw chesual ah mi pakhat in hliam tuar

Nimin zing dar 9:00 vel khan Serchhip Vengchung atanga Bazar lam pana tlan Auto Rickshaw pakhat chuan Tuizemdum kawn-a chawhmeh zuar te hnawlin mi pakhat chu damdawi In-ah admit a ni.

Thudawn danin he Auto Rickshaw hi Serchhip Vengchung-a Lawmnasangzuala te niin Vengchung atanga a rawn tlan thla hi a break a fail avangin a khalhtu Lalnunfela chuan a thunun zo lova, a thlang-a chawhmeh zawrhna chu hnawlin a thlang leha Maruti Van lo dingin a lo dang a ni.

He Auto Rickshaw hian helai hmuna chawhmeh zuar Ramngaihzuali, Serchhip Vengchung chu hnawlin Serchhip damdawi In panpui a nih hnuah a hnar ruah a tliah avangin admit tura tih a ni a, ngaihtuahawm erawh ni lovin Auto Rickshaw khalhtu leh a chuang ve midang pahnih te chuan hliam na an tuar lo nia thudawn a ni.