Latest News

Health Minister in New Delhi-ah sawrkar laipui mi pawimawh te a kawm

Health Minister Dr. R. Lalthangliana chu New Delhi-ah zin mekin nimin khan sawrkar laipui-a mi pawimawh hrang hrang te a kawm.

Health Minister hian nizan hmasa khan New Delhi hi thlengin nimin chawhma lam khan DoNER Secretary Dr. Inder Jit Singh chu kawmin India hmarchhak State tana 10% GBS Ministry hrang hrang in a an dah thin chu National Education Policy 2020 tihhlawhtlin nana hman tangkai dan tur leh kalpui chhoh theih dan tur a sawipui a, 10% GBS India hmarchhak State hrang hrangte tana Ministry hovin an chhunkhawm thin chu thawhkhawm that/thehluh that a nih leh nih loh DoNER Secretary hi a zawt bawk a. DoNER Secretary hian State sawrkar in UC submit chungchangah te leh proposal siam chungchangah te Mizoram sawrkar in a tih ve awm chi ah uluk lehzual a buatsaih a ti turin thurawn a lo pe a ni.

Hemi hnu hian AYUSH Secretary Vaidya Rajesh Kotecha chu hmu lehin Mizoram a COVID hripui leng dona kawnga Ayush Doctor leh hnathawktute an tangkai zia a hrilh a. AYUSH Doctor hna hmu lo tam tak an awm tih sawiin, PHC leh CHC hrang hrang leh tuna Health and Wellness Centre-a thawkte bakah hian rawih belh theih dan tur kawng ngaihtuah a an hlawhte pawh tum sak turin a thlen a. Mizoram District 11-ah Ayush Hospital sakna tura ruahmanna amah ngeiin tunhma a a lo thlen tawh chu ngaihtuah tha leh turin a ngen bawk. Hei bakah hian Mizoram chu India ramah Medicinal Plant nei tha berte zinga mi a nih thu sawiin, mi tam tak tana eizawnna tlaka hmalakna tur ruahmanna nikum lama an hnena a lo thlen tawh pawh he hunah hian a bawhzui nghal a ni.

Hei bakah hian MSME Secretary BB.Swain, Economic Adviser leh Joint Secretary te meeting neih pui lehin COVID-19 avanga Mizoram MNF Flagship Programme, SEDP hmanga eizawnna ruahmanna kawngah khaihlakna leh harsatna an tawh thu a thlen a. Mizo thalai rual tam tak ten eizawnna ngelnghet an neih theihna tur kawng hrang hranga training lian tham pekna tur ruahmanna Ministry of Micro, Small and Medium Enterprises (MSME)-ah hian a thlen a, Secretary te hian lo ngai pawimawhin, theihtawp chhuaha hma lakpui an tum thu leh hemi atana ruahmanna uluk leh awmze nei tak rawn siam nghal turin Minister hi an lo ngen a ni.

Comments

Popular News (Last 30 Days)