Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

Bye-election atan inbuatsaih mek zel a ni

Tuirial Assembly bial-a bye-election chu November thla tawp lam emaw, January thla chawhnu lamah emaw neih a nih rin a ni.

Mizoram Election Department hotute chuan, ECI hnenah Tuirial Assembly Constituency bye-Election neih hun atan November 2021 an rawt tawh a, hemi rual hian Mizoram-a Covid hrileng dinhmun leh a bikin Kolasib District leh Tuirial bial chhunga hrileng dinhmun kimchang Election Commission of India (ECI) -ah thlen a ni a. Hrileng dinhmun a ziaawm loh chuan tun mai a inthlan neih chu hlauhthawnawm deuh a ngaih a nih thu te thlen a ni bawk. ECI chu Covid hrileng chungchangah an fimkhur tih thudawnna chuan sawi bawkin, Mizoram-a hrileng dinhmun a zirin, inthlan hun chu kumin November thla tawp lam emaw, January thla chawhnu lam emaw a nih a rinawm niin a sawi bawk. 

Election Department hotute sawi danin, State dangah bye-election nei tur an awm ve nual a, kumthar lam a inthlanpui nei tur Sstate dangte pawh an awm a. Chungte nen inrualkhat deuh a inthlan hun an rawn bituk thei nia ngaih a ni.

Tarlan tawh angin, Election Department lam chu bye-election nei turin an inbuatsaih tan tawh a, Electronic Voting Machine (EVM) leh Voter Verifiable Paper Audit Trail (VVPAT) te pawh a tum khatna atan endik a ni tawh a. Political party lam pawh inbuatsaih mekin MNF leh Congress Party chuan an Candidate tur puang tawhin ZPM chuan tunkar Nilaini velah an puang mai thei nia thudawn a ni bawk.

Comments

Chhiar Hlawhte