World Bamboo Day pualin Virtual Conference nei

Inrinni kalta khan ‘World Bamboo Day’ pualin India hmarchhak State te'n Virtual Conference an buatsaih a, he hun hi Chief Minister Zoramthanga chuan khuallian niin a hmanpui a ni.

Confederation of Indian Industry (CII) leh Nagaland State sawrkar in an buatsaih Virtual Conference-ah hian ‘Challenges, Opportunities and The Way Forward in North East’ tih chu thupui-ah hman niin he hunah hian Chief Minister chuan sawrkar laipuiin Bamboo Development lama hma a laknaah India hmarchhak State-te an pawimawhna leh tangkai thu a sawi a. Ram ruak awm zat leh ruahtui, sik leh sa dinhmun in a zir avangin nasa taka hmarchhak state-te economy chawisang a, rampum tana thawhhlawk belhchhah turin theihna a awm thu a sawi.

Chief Minister chuan Mau leh Rua te chu chin uar ringawt emaw, Mau leh Rua a innghat Industry din chauh chu a tawk loh thu sawiin, Mau chingtute leh a leitute'n hlawkna tam ber an tel theih nan 'Transportation Cost' tihhniam a pawimawh thu a sawi a. Hemi atan hian Bamboo Link Road siam a pawimawh thu tarlangin, sawrkar laipuia hotute bula a lo thlen tawh thin thu a sawi bawk.

Virtual Conference ah hian Abhijit Barooah, Chairman CII NE Council & MD Premier Cryogenics Ltd. chuan chhimtute lawmna thu sawiin, Mau leh Rua hi North East State te tan a hmasawnna rahbi pakhat- Entrepreneur-te, start up-te leh loneitu ten a eizawnna ngelnghet atan an hman chhoh theih nan a rahbi pawimawh tak a nih avangin World Bamboo Day pual a he hun hi buatsaih a nih thu a sawi a ni.

Comments

Popular News (Last 30 Days)

Serchhip DCSO sawn a ni

Bawngchawm tlang khualbuk rawktu nia hriat mi 2 man