Mizoram-ah hri kai sing ruk aia tam hmuh an ni

/

Mizoram-ah COVID-19 hri kai mi sing ruk aia tam hmuhchhuah an ni ta a, niminpiah khan Sample 9052 enfiah niin hri kai 1111 hmuh an ni a, Sample enfiah atanga za zela 12.28 te chuan hri an kai a ni.

Niminpiah khan ZMC-a RT-PCR Laboratory-ah Sample 1285 enfiah niin heng atang hian hri kai mi 160 hmuhchhuah an ni a, an vai hian Aizawl District-a Sample lak te vek niin Venghnuai-ah hri kai 14 hmuh niin Lengte ah hri kai mi 13 hmuh an ni bawk a, a bak zawng hi Veng leh khua 39 ami te an ni. Niminpiah khan Fluorescent Immunoassay (FIA) Test hmanga Sample enfiah 43-ah hri kai hmuhchhuah an awmlo thung a ni.

Niminpiah khan District hrang hranga TrueNat Laboratory-ah Sample 509 enfiah niin heng atang hian hri kai 74 hmuhchhuah an ni a, Champhai District atangin hri kai mi 47 hmuh niin mi pakhat tihloh chu Champhai khawpui chhung ami te vek an ni a, Lawngtlai District-ah hri kai mi 9 hmuh niin an vaiin Lawngthlai khawpui chhung ami vek an ni a, Lunglei leh Lawngtlai District-ah hri kai mi 6 ve ve hmuh niin Khawzawl District-ah 4 leh Kolasib leh Hnahthial District-ah hri kai mi pakhat ve ve hmuh an ni bawk.

Rapid Antigen Test hmangin niminpiah khan Sample 7215 enfiah niin hri kai mi 877 hmuhchhuah an ni bawk a, an zinga 524 te chu Aizawl District-a hri kai hmuhchhuah niin Bethlehem Vengthlang-ah hri kai 37 hmuh an ni a, Bawngkawn-ah 16 leh Chawnpui-ah 15 hmuh an ni a, a bak hi Veng leh khua 77 ami te niin Bawngkawn-a Mass Test neih ah hri kai mi 157 hmuhchhuah an ni bawk. Heng bakah hian Lunglei District-ah hri kai 112 hmuhchhuah niin a tam zawk hi Lunglei khawpui chhung ami an ni a, Kolasib District-ah hri kai 70 hmuh niin Siaha District-ah 39, Lawngtlai District-ah 36, Mamit District-ah 34, Khawzawl District-ah 24, Champhai District-ah 18, Hnahthial District-ah 11 leh Serchhip District-ah hri kai mi 9 hmuh an ni bawk.

Mizoram-a COVID-19 hri kai enkawl zingah mi 135 te chu nimin khan anmahni enkawlna hmun atanga chhuahtir leh an ni bawk a, heti hian nimin tlai dar 5:00 thlenga Mizoram-a hri kai hmuhchhuah chu 61,110 niin an zinga 51,163 te chu enkawl dam an ni tawh a, hei hi hri kai hmuhchhuah atanga chhutin zaa 83.72 niin hri kai enkawllai 9728 an awm leh tawh a, Mizoram-ah hri kai hmuhchhuah leh enkawllai zat a pungchho leh mek tawh a ni.

Hetihlai hian Mizoram-a hri kai hmuhchhuah zingah boral an la awm belh ve zel a, nimin chawhma dar 11:45 khan F. Zairema (87), Republic Veng chu COVID-19 vangin ZMC-ah a boral ve leh a, heti hian nimin tlai dar 5:00 thleng khan Mizoram-a hri kai zingah mi 219 boral tawhin tun thla-ah nitin hri kai boral an la awm a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »