Grape atanga Wine siam-chhuah dan tur peih vat tum

Champhai leh Hnahlan Grape chingtute Wine siamchhuah dan tur peihvat tum niin Mizoram Liqour Prohibition (MLP) pawh khauh taka kalpui zel tum a ni.

Nimin khan High Level Monitoring Committee to Study on the Introduction of The Mizoram Liquor (Prohibition) Draft Rules 2020 chu an Chairman Dy. Chief Minister Tawnluia hoin a Pisa-ah an thukhawm a, he hunah hian Deputy Chief Minister chuan kut-hnathawktu te, a bikin Hnahlan leh Cham-phai-a Grape chingtute dinhmun thlirin Rules siamna turah hian hmalak a tul tih a sawi a, Zu leh ruihhlo khuahkhirh kawngah erawh khauh taka kalpui zel tha a tih thu a sawi a, Kohhran leh tlawmngai pawl hrang hrang te nena ruihhlo do kawngah pheikhai rual taka kalho zel an duh tih a sawi bawk.

Nimin-a thutkhawm-ah hian thuthlukna mumal tak siam theih la ni lovin, Champhai leh Hnahlan khua a Grape chingtute dinhmun thlir chunga Wine siamchhuah tum pawh zirchianna neih leh turin rel a ni a, MLP Rules in a kaihnawih hrang hrang dan tesep te pawh la zirchian leh deuh nise, a rang thei ang bera kuthnathawktu te hmakhaw ngai si a dan siam fel vat erawh tul an tih thu an sawi bawk a ni.