Latest News

Seat 40 awmna Mizoram Assembly-ah ZPM in seat 27 lain sawrkar thar an siam dawn

Image
Kum 2023 Mizoram State Assembly Inthlanpui-a Vote tla te chu nimin khan chhiar a ni ta a, Seat 40 awmna ah Zoram Peoples Movement (ZPM) chuan Seat 27 lain Party mal-a sawrkar siam thei turin hnehna an chang a, Rorellai MNF Party chuan Seat 10 lain Chief Minister leh Minister nilai engemaw zat an tling zo lo a ni.

NHM Mission Director in Serchhip damdawi In tlawh

National Health Mission (NHM)-a Mission Director, Dr. Eric Zomawia leh Health Department a mi pawimawh thenkhat te chuan nimin khan Serchhip District Hospital an tlawh.

NHM Mission Director leh amah zuitute hi Serchhip CMO Dr. Laldawngliana Sailo leh District Medical Superintendent Dr. ZD. Lalmuanawma bakah thawktu dang ten lo dawng-sawngin COVID-19 hri leng thawh thumna ah naupang te chu a tuar nasa thei nia ngaih an nih avanga inbuatsaihna te an enpui a ni.

Ruahman lawk ang chuan Serchhip District Hospital TRAUMA Extension Building a DCHC awm mekna hnuai chu naupang hri kai enkawlna hmun atana siam tum niin helai hmunah hian khum 10 bakah ICU khum 4 leh HDU khum  6, a vaiin khum 20 vel awm thei tura ngaih a ni a. Helai hmun hi NHM Mission Director ruala rawn kal Engineer ten en nghalin hnathawh dan turte an en nghal a ni. Hei bakah hian Serchhip District Hospital-a Oxygen Plant bun mek pawh an tlawh nghal bawk.

Comments

Popular News (Last 30 Days)