Myanmar atangin raltlan rawn luh belh zel

Myanmar tualchhung buaina avangin Mizoram-ah Myanmar atanga raltlan an rawn luh belh zel.

Thudawn danin tunhnaia Myanmar tualchhung buaina avang hian Lawngtlai District-a Saisihchhuah paltlangin nimin khan mi thahnem tak rawn lutin Pang khua thalai intelkhawm te chuan lo dawngsawngin eitur an lo siam sak a, Pangkhua-ahhian raltlan 120 awm mekin, South Lungpher-ah 59 leh Siachangkawn-ah raltlan 22 an awm mek bawk. Hei bakah hian Sangau-ah pawh raltlan 477 an awm tawh bawk a ni.

Tuipuiral bialchhung ah pawh raltlan lo lutte pawh an pung zel a, tunhnaia raltlan lo lut thar leh te hi an vaiin 388 an ni a, a lo awmsa mi 1431 te nen tunah hian raltlan hi mi 1819 an tling tawh a, lo lut thar te quarantine-na tur hmun leh an awmzuina tur ruahman kawngah YMA hruaituten harsatna an tawk chho mek nia thudawn a ni bawk.

Hei bakah hian Thingsai-ah pawh raltlan rawn lut hi 723 an tling tawh bawk a, kumin kumtira Myanmar ram buai thut avang khan Thingsai-ah hian a khat tawkin raltlan an lo lut reng a, mipui in Raltlan Camp-ah In 10 sain sak belh leh tum a ni a, Tiau kam-a Border Haat tura ruahmana Bazar Shed buiding 3-ah Raltlan te awmna tur siamin siam belh leh tum a ni a, niminpiah a rawn lut mi 255 te chu Tiau kam-ah awm mekin lo lut tur hi an la awm nia sawi a ni bawk.