Mizoram-ah COVID-19 hri kai hmuh belh zel an ni

/

Mizoram-ah COVID-19 hri kai hmuhchhuah belh zel an la ni a, Inrinni khan Sample 7791 enfiah atangin COVID-19 hri kai 1089 hmuhchhuah niin Sample enfiah atanga za zela 13.98 te chuan hri an kai a ni.

Inrinni khan ZMC-a RT-PCR Laboratory-ah Sample 2378 enfiah niin heng atang hian hri kai 288 hmuh an ni a, an vai hian Aizawl District a Sample lak te niin hri kai hmuhchhuang zinga 31 te chu Republic Veng ami te an ni a, hri kai mi 10 leh a aia tam hmuhna Veng 7 awmin a bak zawng hi Veng leh khua 42 ami te an ni. Fluorescent Immunoassay (FIA) Test hmangin Aizawl District-ah Sample 143 enfiah ni bawkin hri kai mi 28 hmuh-chhuah an ni a, an vai hian Aizawl khawpui chhung ami te an ni bawk.

Mizoram District hrang hranga TrueNat Laboratory-ah Sample 542 enfiah ni bawkin heng atang hian hri kai 73 hmuh an ni bawk a, an zinga mi 30 te hi Lawngtlai District ami te niin Champhai District-ah 23, Siaha District-ah 7, Serchhip leh Khawzawl District-ah 4 ve ve Mamit District-ah 3 leh Lunglei leh Hnahthial District-ah hri kai mi pakhat ve ve hmuh an ni bawk.

Rapid Antigen Test hmangin Inrinni khan Mizoram-ah Sample 4728 enfiah niin heng atang hian hri kai mi 700 hmuhchhuah an ni bawk a,an zinga 319 te chu Aizawl District-a hri kai hmuhchhuah niin hri kai mi 10 leh a aia tam hmuhna Veng 9 awmin a bak hi Veng leh khua 63 ami te niin Mass Test neihna West Lungdar-ah hri kai mi 28 leh Reiek-ah 2 hmuh an ni bawk. Kolasib District-ah hri kai mi 104 hmuh ni bawkin Lunglei leh Siaha District-ah 71 ve ve hmuh an ni a, Serchhip District-ah hri kai mi 59 hmuh niin Champhai District-ah 31, Lawngtlai District-ah 21, Mamit District-ah 13, Khawzawl District-ah 7 leh Saitual District-ah hri kai mi 4 hmuh an ni bawk.

Inrinni khan Mizoram-a hri kai te zingah mi 1004 te chu enkawl dam ni lehin nimin khan tlai dar 5:00 thlengin mi 368 te enkawl dam an ni leh a, heti hian nimin tlai dar 5:00 thlenga Mizoram-a hri kai hmuh tawh chu 70,840 niin an zinga 58,543 te chu enkawl dam niin hei hi hri kai hmuhchhuah atangin zaa 82.64 a ni a, tunah hian hri kai enkawllai 12,060 an la awm mek a ni.

Inrinni zing dar 9:20 khan Thangmawia (52), Venghnuai Aizawl chu COVID-19 vangin ZMC-ah a boral a, Inrinni tlai dar 3:10 khan Vanlaldika (61), Laipuitlang chu ZMC-ah boral ve lehin nimin zing dar 4:05 khan LT. Thana (76), Thuampui chu ZMC-ah hian a boral ve leh bawk a. Nimin zing dar 7:50 khan Lalremmawii (36), Edenthar Veng Aizawl chu AMC-ah hian boral ve leh bawkin Mizoram-a hri kai zingah mi 237 an boral tawh a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »