Latest News

Faina-a hmalak dan tur rel

Serchhip District Level Committee on Cleanliness Week chu nimin khan Serchhip-ah thu-khawmin Azaadi ka Amrit Mahotsav Plan (AKAMP) hman dan tur leh kumin a Mizoram Cleanliness Week hman dan tur chungchang an sawiho.

Serchhip DC Meeting Hall-a thutkhawm neih hi Serchhip District Bawrhsap Kumar Abhishek chuan kaihruaiin faina leh thianghlimna hi nunna leh hriselna nena inzawm a nih avangin mitinin mawh kan phurhna a ni a, uar tak leh fel taka inzirtirnna kan neih zel pawh a tul hle a ni, a ti a. Kan hma lawkah Azaadi ka Amrit Mahotsav Plan kalpui tur leh Mizoram Cleanliness Week lo awm turah pawh theihtawp kan chhuah anga, rah tha rah tir ngei tumin engkim tih kan tum dawn ni, tiin he huna tel te chu a sawm bawk.

He thutkhawm ah hian Azaadi ka Amrit Mahotsav Plan kalpui dan tur duan hmasak niin he Plan hi Sept. 29, 2021 atanga tanin Oct. 2, 2021-ah khar tur a ni a, hemi chhung hian Awareness Campaign te, Mobile Van Campaign te, Waste to Art Exhibition te, Veng fai inelna te neih tur niin a kharna hi Oct. 2, 2021-ah neiin hemi rual hian Mizoram Cleanliness Week, 2021 hawnna neih zui tur a ni ang.

Cleanliness Week, 2021 chhung hian faina Campaign beihpui thlak neih chhunzawm a ni anga, In tin leh vantlang pisa tinte chu mahni In leh a chhehvel tifai tura tih an ni anga, COVID-19 himna dan zawm chunga vantlang hnatlang kalpui tur a nih bakah Media Campaign chi hrang hrang leh Photography Competition te pawh buatsaih a ni ang.

Comments

Chhiar Hlawhte