Latest News

Revamped Distribution Sector Scheme sawiho

Union Power Minister Raj Kumar Singh hovin niminpiah khan India ram State hrang hranga Power changtu Minister-te chuan Central Scheme thar, Revamped Distribution Sector Scheme chungchangah Video Conference an nei.

He Video Conference-ah hian Mizoram atanga tel Power & Electricity Minister R. Lalzirliana chuan Revamped Distribution Sector Scheme chu Mizoram chauh nilo, Northeast State dang te pawhin hma an sawn pui a rin thu leh, Grant Support for Distribution System Infrastructure Work behchhana Mizoram in 90% grant support a nei chu lawmawm a tih thu a sawi.

Hei bakah hian P&E Minister chuan he Scheme hnuaia hnathawh tur langsar tak, Consumer meter zawng zawng Prepaid Smart Meter-a thlak vek tur chungchangah Minister chuan Mizoram chu Special Category hnuaiah central sawrkar in a kalpui tum dana grant support atan 22.5 % emaw Rs. 1350/- emaw chu Mizoram tana tlem thu sawiin, a lo berah grant support 80% emaw Rs 2999/- per meter emaw central sawrkarin a tumsak turin a ngen a, COVID-19 avangin eizawnna tam takin a tawrh thu a tarlang bawk. Hei bakah hian Mizoram sawrkar chuan Action Plan and Detailed Project (DPR) a buatsaih mek thu leh Distribution Reforms Committee (DRC) din a nih tawh thu central ministry hnenah hian a thlen a ni.

He thutkhawm ah hian Distribution Network tih changtlun leh a theih chinah chuan Aerial Bunched Cable hman dan tur te sawiho a nih bakah Scheme hi bultan a nih theih anih chuan Mizoram tan hmasawnna nasa tak a thlen theih dawn thu te tarlan a ni bawk.

Comments

Chhiar Hlawhte