Serchhip-ah Oxygen Plant bun hna thawk dawn

/

COVID-19 hri leng dona atana PM-CARES Fund atanga Serchhip damdawi In-a Oxygen Plant bun tura hmalakna ah Oxygen Plant bun hna thawktu turte chuan Vawiin hian Serchhip an rawn thlen beisei niin Oxygen Plant bun hna hi thawh nghal tur a ni ang.

PM-CARES atanga Serchhip District Hospital in Oxygen siamchhuahna khawl a dawn hi Pressure Swing Absorbtion (PSA) Medical Oxygen Generation Plant niin minute khat-a litre 250 siamchhuak thei a ni a, niminpiah Pathianni khan Serchhip rawn phurh thlen niin, a khawl a rih tham deuh avangin nimin khan Aizawl atangin a hlan thlakna tur Motor chah anih hnuah hlan thlak a ni. PSA Oxygen Plant hi Vawiin ah Company lam atangin a remkhawmtu tur an rawn thlen beisei a nih thu leh hnathawk thei tura remkhawm hna a rang thei ang bera thawh nghal a ni dawn tih Serchhip District Medical Superintendent Dr. ZD. Lalmuanawma chuan a sawi a. Current awmloh nikhua a Oxygen Plant chawmtu tur 250 KVA Generator pawh bun nghal a ni dawn tih a sawi bawk.

Serchhip District Hospital-ah hian nikum lam khan Oxygen siamchhuahna khawl hi bun a lo ni tawh a, hemi hmang hian damdawi In khum tinah Pipeline hmangin Oxygen pekchhuahna hi dah vek a lo ni tawh a. District Medical Superintendent chuan Serchhip District Hospital in Oxygen siamchhuahna khawl a neih sa chu 80 LPM chauh anih avangin damlo te duhkhawp Oxygen a siam chhuak zo lo tih sawiin, khawl thar bun fel anih hnuah chuan Oxygen in duhkhawp lohna chu engemaw zat in a chhawk zangkhai dawn tih a sawi bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »