Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

Health Minister hovin Medical Expert ho inkawm

Nimin khan Health Minister Dr. R. Lal-thangliana hovin Mizoram-a COVID-19 hri kai te enkawl dan chungchang sawiho a ni.

DHME Conference Hall-a he sawihona hunah hian Health Minister chuan Mizoram-ah COVID-19 hri kai kan la pun belh zel tih sawiin, “Kan tum ber leh sawrkar laipui pawhin min tehna pawimawh ber pakhat chu hri kai zinga nunna hlu tak chan (case fatality rate) kan tam leh tam loh a ni a, hetih kawng ah hian Pathian khawngaihna vang leh kan zavaia kan tanrual vangin a titha berte zingah kan la tel a, damlote nunna chhan tura thawkrim zawng zawngte tha thlah lovin I tang fan fan zel ang u,” a ti a ni.

He Meeting-ah hian khawvel hmun hrang hranga COVID-19 hri kaite an enkawl dan sawiho a ni a, Mizoram-a damlote enkawl dan pawh sawrkar laipuiin inkaihhruaina a duan zawm a nih bakah kan tana tha thei tur ang berin a tul anga her rem hret hret zel thin a nih thu te sawi niin, hri kaite enkawlna atana mamawh damdawi thate chatlak lova kawl reng a nih theih dan turte sawiho a ni bawk.

He huna tarlan a nih danin ZMC-a ICU khum indaihlohna phuhru turin Civil Hospital Aizawl-ah ICU khum 10 ruahman a ni a, nimin lamah Company Technician ten Oxygen Line te an endik fel chuan hman nghal thuai theih a ni ang.

Home Isolation-a inenkawlte leh CCC leh CCCC-a inenkawlte chu uluk taka mahni inchik reng tur leh harsatna an neih chuan a rang thei ang bera Doctor te hnena in report thin tura an duh thu uar taka sawi a ni bawk a, damlo ten harsatna an tawh veleh zep lova an in report a enkawlna pek hma hi nunna chhan nan a pawimawh em em tih pawh he hunah hian sawilan a ni bawk.

Comments

Chhiar Hlawhte