Hri kai 22 hmuh belh leh

Nimin khan Serchhip District-ah COVID-19 hri kai mi 22 hmuh belh leh niin mi 35 enkawl dam an ni thung.

Nimin a Serchhip District-a hri kai hmuhchhuah zingah hian Serchhip-ah mi 14 telin Thenzawl atangin hri kai mi 5 hmuh an ni bawk a, heng bakah hian Lungpho-ah hri kai mi pakhat hmuh niin TrueNat Laboratory atangin hri kai mi 2 hmuh an ni bawk.

Hetihlai hian nimin khan Serchhip District-a hri kai zingah mi 35 te chu enkawl dam anni anmahni enkawlna hmun atanga chhuahtir leh an ni a, hri kai enkawl dam te hi Nursing School CCC atangin mi 17 bakah IAH Thenzawl leh East Lungdar 4C atangin mi 6 ve ve bakah In lama hri kai enkawl mi 14 te an ni.

Heti hian nimin thleng khan Serchhip District-a hri kai hmuhchhuah chu 1683 an tling tawh a, an zinga 1149 te chu enkawl dam ni tawhin tunah hian hri kai enkawllai 531 an la awm mek bawk a ni.

Comments

Popular News (Last 30 Days)

Serchhip DCSO sawn a ni

Bawngchawm tlang khualbuk rawktu nia hriat mi 2 man