Latest News

Mizoram-ah hri kai 1185 hmuh belhin 624 an dam

Mizoram-ah COVID-19 hri kai hmuhchhuah an la pung zel a, niminpiah khan Sample 9368 enfiah atangin hri kai 1185 hmuhchhuah leh niin Sample enfiah zawng zawng atanga za zela 12.65 te chuan hri hi an kai a ni.

Niminpiah khan ZMC-a RT-PCR Laboratory-ah Aizawl leh Mamit District atanga Sample lak 1257 enfiah niin heng atang hian hri kai mi 188 hmuhchhuah an ni a, an vai hian Aizawl District-a Sample lak vek niin Tuikual South atangin hri kai mi 45 lai hmuh leh an ni a, Bethlehem Vengthlang atangin hri kai mi 44 hmuh ni bawkin a bak hi Veng leh khua 34 ami te an ni. Fluorescent Immunoassay (FIA) Test hmangin Aizawl District-ah Sample 149 enfiah niin heng atang hian hri kai mi 27 hmuh an ni bawk a, an vai hian Aizawl khawpui chhung ami te vek an ni.

District hrang hranga TrueNat Laboratory-ah Sample 552 enfiah ni bawkin heng atang hian hri kai mi 77 hmuh an ni a, an zinga 21 te chu Lawngtlai District-a hri kai hmuhchhuah niin Champhai District-ah hri kai mi 20 hmuh an ni bawk a, Mamit District-ah 12, Siaha District-ah 11, Lunglei leh Serchhip District-ah 4 ve ve, Khawzawl District-ah 3 leh Kolasib District-ah hri kai mi pahnih hmuh an ni bawk.

Rapid Antigen Test hmanga Sample enfiah 7410 atangin hri kai mi 893 hmuhchhuah leh an ni bawk a, an zinga 405 te chu Aizawl District-a hri kai hmuhchhuah te niin Veng leh khaw mal-a hri kai mim 10 leh a aia tam hmuhna 12 lai ala awm a, a bak hi Veng leh khua 68 ami te an ni. Lunglei District-ah pawh hri kai mi 112 hmuhchhuah niin Kolasib District-ah hri kai 90 zet hmuhchhuah an ni a, Siaha District-ah hri kai mi 75 hmuhchhuah niin Lawngtlai District-ah 58, Serchhip District-ah 54, Mamit District-ah 40, Champhai District-ah 23, Khawzawl District-ah 21 leh Hnahthial District-ah hri kai mi 15 hmuh an ni bawk.

Mizoram-a COVID-19 hri kai enkawl zingah nimin khan mi 624 te chu enkawl damin anmahni enkawlna hmun atanga chhuahtir an ni a, heti hian nimin tlai dar 5:00 thlenga Mizoram-a hri kai hmuh tawh chu 74,068 niin heng zinga 60,921 te chu enkawl dam an ni tawh a, hei hi hri kai hmuhchhuah atangin zaa 82.25 niin tunah hian hri kai enkawllai 12,899 an la awm mek a ni.

Niminpiah zing dar 10:00 khan Lalchawii (88), Ramthar North chu COVID-19 vanga boralin nimin khan Mizoram-a COVID-19 hri kai hmuhchhuah zingah mi 4 lai boral an awm leh a, nimin zing dar 2:10 khan Lianthangi (61), Chaltlang chu boralin nimin chhun dar 12:00 khan Lalnunfela (18), Durtlang Mel 5 chu a boral ve leh a, nimin chawhnu dar 3:00 khan PC. Liansangpuii (41), Zemabawk North chu a boral leh bakah nimin tlai dar 4:45 khan Vanlalhruaia (44), Armed Veng South chu a boral a, Mizoram-a hri kai zingah mi 249 lai an boral ta a ni.

Comments

Popular News (Last 30 Days)