Latest News

Mizoram State Boundary Committee thutkhawm

Mizoram State Boundary Committee chu nimin khan a tum hnihna atan an Chairman leh Deputy Chief Minister, Tawnluia hovin Directorate of Forensic Science Laboratory Conference Hall-ah an thukhawm.

e thutkhawm ah hian Boundary Committee Chairman Dy. Chief Minister Tawnluia chuan Mizoram-Assam Boundary siamfelna atan a dinna ngai ‘Inner Line of 1875’ ah a la ding reng tih sawiin, Mizoram-Assam ramri-a Police-te pawh rinawm leh inpe takin an duty reng a, Mizoram mipuite tan a thlamuanthlak hle a ni, a ti.

He thutkhawm ah hian John Neihlaia, IGP (HQ), Mizoram chuan ramri-a Police awmte dinhmun report a pek hnuah Member-te sawiho tur Discussion Paper chungchang Mizoram Chief Secretary Lalnunmawia Chuaungo-in sawizauna a nei zui a. He hunah hian Boundary Committee thutkhawm hmasa ber July 30, 2021-a hmachhawpte uluk taka thlirho leh a ni a. Boundary Committee hnuaia Chief Secretary kaihhruai Sub-Group chu vawi 4 an thu tawh a. Sub-Group chuan 2018-a Joint Action Committee-in India Prime Minister hnena Memorandum a thehluh chu uluk leh chik lehzualin a zirchiang a, chumi atanga rawtna leh ngaihtuahho tur Agenda hrang hrang a chhawpchhuahte chu chipchiar takin sawiho a ni.

Boundary Committee Chairman Dy. Chief Minister Tawnluia chuan Sub Group-in Discussion Paper a siam chu All Political Party leh NGO zawng zawngten zirchiangin, thutkhawm lehah anmahni pawl theuh ngaihdan pharh turin a ngen a. Tuna Pawl leh mimal atanga rawtna hrang hrang awmte chu thutkhawm leh hunah Discussion Paper anga buatsaih turin a chah bawk.

Comments

Popular News (Last 30 Days)