Latest News

Serchhip-ah Northeast Yatra for Lifestyle (Life) nei mek

Image
India hmarchhak State 8-a tun thla (November) chhunga neih tura ruahman Northeast Yatra for Lifestyle (Life) chu kar hmasa lamah Mizoram tana a hawnna hun hman a nih hnuin Serchhip District-ah pawh kalpui mek a ni a. He Yatra neih chhung hian mipuite hnenah tam zawk leh zau zawkin ‘environment’ humhalh leh venhim pawi-mawh zia zirtirna pek tura ruahman niin tunah hian In tin-a lut lawrin hemi chungchang inzirtirna neih a nih bakah thuziak te sem a ni a. Vawiin hian North Vanlaiphai-ah Mass Rally neiin hman khat daih Plastic thenfai hnatlang neih nghal a ni anga, naktuk-ah Govt. Serchhip College-ah hemi chungchang inzirtirna hi neih leh a ni ang.

Vawk thi 5 awm belh leh

Serchhip District-a African Swine Fever (ASF) leng chuan ziaawm lam pan zelin lang mah se nimin thlengin Vawk thi erawh ala awm belh zel a, nimin khan Buangpui-ah Vawk 3 thi lehin Zote South leh Sailulak-ah Vawk thi pakhat ve ve a awm leh bawk a, heti hian Serchhip District-a ASF vanga Vawk thi chu 3711 a tling tawh bawk a ni.

Comments

Popular News (Last 30 Days)