Latest News

‘Rashtriya Poshan Maah’ leh ‘Matru Vandana Saptah’ hawnna SWD Minister hovin neih a ni

Women & Child Development hnuaia Scheme pahnih Pohshan Abhiyaan leh Pradhan Mantri Matru Vandana Yojana (PMMVY) hnuaia ‘Rashtriya Poshan Maah (Nutrition Month)’ leh ‘Matru Vandana Saptah’ te chu kumin hian kalpui leh tur niin nimin khan Social Welfare Minister Dr. K. Beichhua chuan a hawng a ni.

‘Rashtriya Poshan Maah (Nutrition Month)’ leh ‘Matru Vandana Saptah’ hawnna hun hi nimin khan Mizoram pumah Video Conferencing hmanga neih niin he hunah hian Social Welfare Minister Dr. K. Beichhua chuan kumin a Rashtriya Poshan Maah leh Mantru Vandhana Saptah hman chhung hian Mizoram chhunga naupang chaklo bik (SAM Children) kan tihte enkawlna pek a, hma la nasa zual tur te, Anemia (Nu naupai leh tleirawl a thisen tlakchhamna) a awm tawh loh nan Line department te nen theihtawp chhuah lehzual turin he hawnna hun a chhimtute chu a sawm a. Heng bakah hian Nutri-Garden (Kan Wadi Kan Huan) siam-ah te hma la lehzual tua thawktute chu fuihin, Mantru Vandhana Saptaah-ah pawh nu leh naute hrisel tha kan neih zel theih nan tan la lehzual turin he hun hmangtute chu a chah a ni.

Social Welfare Minister Ministry of Women & Child Development hnuaiah Mizoram sawrkar-a Women & Child Development chu a titha pawl ah an tel thei zel chu thawktute leh Line Department a an thawhpui Department hrang hrang, Health Deptt, Ayush, UD&PA, Bank leh khawtlanga an thawhpui NGO te tawiawmna vang liau liau a ni tih a sawi a. Mizoram hi ram hrisel taka siam turin theihtawp chhuah tlang lehzual turin leh an hmazawn a tihtur awmte ram leh hnam tan a ni tih hre thar leh a, theihtawp chhuah lehzual turin a sawm bawk.

‘Rashtriya Poshan Maah’ hi India ram-pum ah September thla chhung hman tur a ni a, ‘Converging Towards a Healthy Walk Through Life’ tih chu thupui-ah hman tur niin ‘Matru Vandana Saptah’ hi September 1 atanga 7, 2021 chhunga hman tur a ni thung a, ‘Mother Power, Nation Power’ tih chu thupui-ah hman a ni thung.

Poshan Abhiyaan in a tum bulpui ber chu naupang a chaklohna chi hrang hrang thleng thin heng- thanthu, zang lutuk leh cher lutuk tih tlem bakah nu leh tleirawl ah thisen tlakchham (anemia) tihhniam a ni a. PMMVY in a tum ber chu Naupai/Naupawmte hriselna ngaih pawi-mawh niin, Anganwadi Centre-a inziahluh in fatir pai ten Rs. 5000/- an dawng thei a ni.


Serchhip District-ah pawh hmalakna kalpui dawn

Serchhip District-ah pawh ‘Rashtriya Poshan Maah (Nutrition Month)’ leh ‘Matru Vandana Saptah’ hman chhung hian kawng hrang hrangah hmalakna kalpui tum a ni. Serchhip District-a Rashtriya Poshan Maah kalpui chhung hian Anganwadi Workers ten an bial chhunga naupang kum 6 hnuailam te rihzawng leh san zawng te teh vekin In tin an tlawh thin a, kumin hian Anganwadi Wokers te leh an benificiaries te tan ‘Nu naupaite tana chaw tha pawimawhna’ tih thupui hmangin Slogan inphuah siakna neih tur niin Chaw tha ei pawimawhna poster te siam niin a tam thei ang ber semchhhuah a ni anga, Line Department Horticulture leh AYUSH te nen hun hman a ni bawk ang.

Matru Vandana Saptah hi COVID-19 hri leng hnuaiah SOP zawm chunga hman tum a ni bawk a, ruahman lawk ang chuan Serchhip District hmun hrang hrangah Signature Campaign te, PMMVY chungchang tarlanna leaflet sem leh Banner te tarin hun hman a ni ang. Hei bakah hian Naupai/Naupawm te tana eitur tha siam dan intihsiakna, Recipe Competition (Serchhip Block tan) te, Slogan Writing Competition (Serchhip District tan) te, Serchhip District chhunga Anganwadi Worker 160 te tan PMMVY Beneficiary ngah kawnga inelna leh District chhunga PMVVY tana ICDS Project thawk tha intihsiakna te neih a ni dawn bawk a ni.

Comments

Chhiar Hlawhte