RT-PCR Lab. din tura hmalakna ah tanho zel rel

Lunglei-a tlawmngai pawl hrang hrangte chuan Lunglei-a RT-PCR Laboratory din tura YMA hmalakna ah tanho zel nise an ti.

Nimin khan Lunglei-a tlawmngai pawl hrang hrang-YMA, MZP, MSU MHIP, MUP, Lunglei Thalai Pawl leh Chhimbial Chhantu te chu Lunglei-a RT-PCR Laboratory din a nih theihna tur chungchangah an thukhawm a, RT-PCR Laboratory dinna tura sawrkarin kut a thlak mekna Tourist Lodge chu October thla chhung ngei a hman theiha peihfel tura YMA Sub-Hqrs Lunglei in ngenna thu a lo chhuah tawh chu Joint NGO chuan an thlawp tlat tih an sawi a. Hemi hun chhunga peihfel a nih loh chuan YMA Sub-Hqrs. Lunglei kaihhruaina in a tul angin a tawp thleng in hma an la dawn tih an sawi a ni.

Mizoram Sawrkarin Chhimlam tana RT-PCR Laboratory a dinna turah hian chak lehzuala hma a lak theih nan enzui reng dawn tih nimin thukhawm chuan an sawi a. YMA Sub-Hqrs. Lunglei in Tourist Lodge, Zotlang Lunglei a RT-PCR din lailawkna tura hnathawk vil leh endik tura a in huamn aah Joint NGO te chuan englai pawhin an thawhpui zel dawn tih sawiin, RT-PCR Laboratory din chungchanga YMA Sub-Hqrs Lunglei hmalakna turah tanho zel nise an ti a. NGO hrang hrangte chu YMA Sub- Hqrs. Lunglei in kaihruai se an ti bawk.