Tuikum bialtu MLA leh Assembly Deputy Speker Er. Lalrinawma chuan a bial chhung Chhiahtlang khua a COVID-19 hri kai te enkawlna hmun, 4C siam thar chu nimin khan tlawhin tanpuina a hlan nghal.
Chhiahtlang khua ah hian tunhnaiah COVID-19 hri kai hmuh belh an tam avangin Govt. M/S Chhiahtlang-ah 4C hi siamin niminpiah khan hri kai dahluh nghal an ni a, he 4C hi nimin khan bialtu MLA hian tlawhin Chhiahtlang mipuite chu Covid hrikai hmuhchhuah an awm chhoh zel avanga lo chi-ai lo tura chahin, hri inkaidarh kal zel laka mitinte fimkhur thar leh turin a chah a, hri kai te chu rang taka enkawl an nih theihna tura Samle Test chu a pawimawh thu sawiin, hri leng mek chu thunun theih chin chinah thunun tura hmalak a tul thu a sawi a. A tul dan a zirin Mass Test pawh kalpui dan ngaihtuah theih a nih thu sawiin, 4C-a hman turin Test Kit leh pawisafai a hlan nghal bawk a ni.
Tarlan tawh angin Chhiahtlang-a 4C kalpuina atan hian mipuite chu MGNREGS atanga ni khat hlawh thawh tura ngen an nih bakah Joint VLTF tan Chhiahtlang-a VC pahnih ten Rs. 25,000/- ve ve thawh se an lo ti tawh a. Bialtu MLA hian MLA Fund atangin Rs. 70,000/- a ruahman sak bawk a ni.
.jpeg)
Comments
Post a Comment