Latest News

DIET Hostel Building hna thalo siamthat leh a ni

Serchhip Chanmari Veng-a DIET Hostel tur sak mek ah Serchhip Sub-Hqrs. YMA Vigilance & Monitoring Committee in hnathawh thalo nia an sawi te chu siamthat hna thawh mek a ni.


Serchhip DIET Complex-a Hostel tur sak hna hi Elite Consultancy Firm ten thawkin a ban leh Slab chhun te chu a tha tawklo nia hriat a nih avangin Elite Consultancy Firm hotute leh hna viltu J. Ramthianghlima bakah hnathawh viltu JE te hovin tun thla ni 3 khan a hmunah enfiah a ni a. YMA Sub-Hqrs. hruaitute chuan Hostel Building sak mekah hian a ban phun dah tha tawklo nia an hriat thu sawiin, Slab atana GSB hman pawh Dan in a phal a nih leh niloh te an zawt bawk a, ruahman lawk ang ngeia building sak an duh thu sawiin, Contractor te pawhin inhawng takin YMA ten an ngaimawh lai an sawi chu an hriatthiam thu an sawi a ni.

Serchhip Sub-Hqrs. YMA chuan helai hmun hi nimin khan an tlawh leh thu sawiin, Slab chhun tawha GSB an lo hman tawh chu chhut chhiat tir leh mek a nih thu leh Slab chhun tura Rod an phiar tawh pawh phiar that leh a niin a ban sawisel lai te pawh siamthat vek a ni tih an hmuh thu an sawi a. DIET Hostel satuten YMA ngenna ngai pawimawh a an hna thalo lai nia an hriat te an siamtha leh chu lawmawm an ti hle tih an sawi bawk.

Comments

Chhiar Hlawhte