Latest News

Hri leng dona leh Vaccine pek ah Mizoram in a titha

Union Health Minister, Mansukh Mandaviya chuan Covid dona leh Vaccination chungchangah Mizoram chu titha hle a a hriat thu a sawi.

Union Health Minister Mansukh Mandaviya hi nimin khan New Delhi-a cham mek Mizoram Health Minister Dr. R. Lalthangliana chuan a Pisa-ah hmuin Mizoram-a COVID-19 dinhmun tlangpui a thlen a, Union Health Minister hian COVID dona leh Vaccination chungchangah Mizoram chu titha hle a a hriat thu lo sawiin, lawmpuina thu a lo hlan bawk a ni.

Dr. R. Lalthangliana hian COVID-19 Third wave lo thleng tur atana inbuatsaihna kawnga Mizoram sawrkar hmalak mekna leh chung atana Mizoram mamawh tur thil chi hrang hrangte Union Health Minister hi a sawipui bakah Mizoram-a JICA Fund hmanga Superspeciality Cancer Hospital dinna tur atana hmalakna tam tak cheng vbc. 500 lai mai senga bul tan tur hi a rang thei ang bera rawn tan turin a ngen a, hetah hian Technical Appraisal Report a thehlut nghal bawk a ni. 

Mizoram Health System Strengthening Project, World Bank pawisa hmanga hna tan mek tawh chungchang te leh RIPANS tana kum 2009 bul lama cheng vbc. 480 sanctioned awm tawh atanga hmalakna chi hrang hrang thuanawp ta rihte leh RIPANS hnuaia Teaching leh Non-Teaching Staff te harsatna chi hrang hrang, an service leh hlawh chungchang te chu Minister hian a thlen nghal bawk a. Heng a thu thlen te hi Union Health Minister hian theihtawpa lo puih a inhuam thu alo hrilh a ni.

Comments

Chhiar Hlawhte