Latest News

Inkaihhruaina hman zui tur

Serchhip District Bawrhsap Kumar Abhishek chuan nimin khan thupek tichhuakin COVID-19 hri leng hluar zel laka mipuite him theihna tura tun thla ni 2-a inkaihhruaina thupek lo tihchhuah tawh chu Oct. 17, 2021 atanga Oct. 30, 2021 zanlai dar 12:00 thleng Serchhip District-ah hman chhunzawm tur a nih thu a tarlang.

MOT ten Police Duty leh Screening Point an tlawh

COVID-19 Medical Operational Team (MOT) te chuan kar kalta Zirtawpni leh Inrinni khan Mizoram leh Assam ram inrinna a Police duty-na hmun leh Screening Point te an tlawh.

MOT te hi an Chairman Dr. ZR. Thiamsanga MLA hova thawkchhuakin Screening Point an tlawh khua heng Zawlnuam, Kanhmun, Bairabi, Chuhvel leh Luimawi-a VLTF te nen inkawmhona an nei a, hripui an do kawnga harsatna leh mamawh an neih sutkian dan turte sawiho niin Local Level Task Force te nen inkawmna tha tak neiin an hriatfiah loh thil te pawh inhrilhfiahna hun hman a ni a. MOT hian Screening Point-a Medical lama thawktu duty te chu fakawm an tih thu te leh Local Level Task Force te inpekna pawh fakawm an ti hle tih an sawi a. Heng Screening Point-a VLTF te tan pawisafai, Mask, Damdawi leh Thermometer an hlan bawk.

MOT te hian ramri-a Mizoram Police duty-na hmun hrang hrang heng- Mitdeli lui, Thinghlun Forward Duty Post, Zophai Base Camp leh Chuhvel Base Camp te pawh tlawhin hmun remchangah Police hotute nen inkawmna hun an nei a. MOT Chairman Dr. ZR. Thiamsanga chuan Mizoram Police ten harsatna hrang hrang an neih te ngaithlain, sawrkarin an harsatna tam tak a sutkian tawh bakah, sawrkar hmachhawp la tihhlawhtlin rihloh te pawh a hlawhtlin thuai theih nan theihtawpa nawrpui a tum thu a sawi a. Ramri a sipai duty te ram leh hnam tana an inpekna pawh a hmun ngeiah an hmuin a fakawm a tih bakah chawimawi an phu hle a a hriat thu a sawi a, sawrkar pawhin ramri a duty te tan theih tawp a chhuah zel tur thu a sawi bawk. MOT te hian ramri a Duty Mizoram Police te hi pawisafai, Mask, Pulse Oxymeter, Thermometer, Damdawi leh Handsanitizer thahnem tak an pe bawk a ni.

Comments

Chhiar Hlawhte