Latest News

Health Minister hovin hmang

Health Minister Dr. R. Lalthangliana hovin nimin khan ‘Ramhnim damdawi kawtkai-ah’ (Ayush Apke Dwar) tih Programme chu Aizawl a MINECO tual-ah hman a ni.

India ram zalen kum 75-na lawmna ‘Azadi ka Amrit Mahotsav’ kal zelahNational Medicinal Plants Board, Ministry of AYUSH, Govt. of India ruahmanna a he hun hmanna ah hian State Medicinal Plants Board Chairman ni bawkDr. R. Lalthangliana chuan Sawrkar laipuiin chhungtin te ramhnim damdawi – Medicinal Plants uar lehzual tura a duh avangin ram zalen kum 75-na lawmna ni pah fawmin he hun hi neih a ni, a ti a. State Medicinal Plants Board in ramhnim damdawi, thlai chi hrang hrang a semchhuak dawn a, chhungtin ten mahni kawtkai-ah leh hmun an neih remchang apiangah phun a, tangkai taka hmang turin a sawm a ni.

Tun hma lam zawng aiin India Sawrkar chuan ramhnim damdawi hman uar kawngah tan a la nasa tih Minister chuan sawiin, Damdawi siamchhuaktu company lian tak tak te pawhin tangkai taka an hman thin Medicinal Plants te hi Mizoram chhungah pawh damloh ni khuaa inenkawlna atan hmang tangkai turin mipuite a chah a ni.

Ayush Apke Dwar hi ram mipuite’n ramhnim damdawi kan hriatchian lehzualna tura inhrilhhriatna a ni a. He programme kalpui zelna atan hian State Medicinal Plants Board chuan ramhnim damdawi thlai chi hrang hrang a semchhuak dawn a, hrechiang duh chuan State Medicinal Plants Board Instagram - SMPB Mizoram-ah emaw www.smpbmizoram.com ah en theihin a awm a ni.

Azadi ka Amrit Mahotsav kal zela hmalakna pakhat, ramhnim damdawi chin pun, Cultivation of Medicinal Plants chu September ni 1, 2021 khan Dr. Lalkhawngaihi Renthlei, CEO, SMPB chuan a lo hawng tawh bawk a ni.

Comments

Chhiar Hlawhte