Latest News

Supplementary Nutrition Programme kalpui mek

Serchhip ICDS Project hnuaiah Supplementary Nutrition Programme chu kalpui mek a ni. ICDS Project hnuaiah Supplementary Nutrition Programme-ah hian Anganwadi Centre 100-ah ei tur tha item 15 sem thin niin Fortified Rice leh Wheat pawh sem thin a ni a. Nausen atanga naupang kum 6 ten hriselna tha an neih theih nan POSHAN Abhiyaan tha taka kalpui a nih bakah Nutri Garden pawh Anganwadi Centre 100-ah kalpui a ni a, heng huan-a an tharchhuah thlai te hi beneficiary te hnenah sem thin a ni.

Khaw thlirna siamna tur Minister in a enpui

Tourism Department changtu Minister Robert Romawia Royte chuan nimin zing khan Central Scheme, PRASAD Project atanga Khaw-thlirna (Viewing Gallery) Laipuitlang-a sak dan tur hmun a en.

Helai hmun a tlawhna ah hian Tourism Minister chuan Aizawl tlawhtu khualzin te leh tualchhung mi ngeite pawhin hawi thawvenna leh intihhlimna an mamawh tih sawiin, Tourism Department-in PRASAD Scheme atanga Khawthlirna (Viewing Gallery) siam a rawtna chu Tourism Ministry chuan pawmin sanction approval lehkha tunhnaiah a tichhuak a, a taka sak dan tur duan vat a tul thu leh, PHE Tuikhuah lian awmna a nih avangin PHE Minister, Dy Chief Minister ni bawk rawn a nih hnuah enho a nih thu a sawi bawk.

Sports Department changtu Minister ni bawk Robert Romawia Royte hian Govt Complex-a Contact Sports Centre din rawtna hmun pawh tlawh nghalin, Combat/Contact Sports Discipline hrang hrangten an puala Centre an neih theih nana Indoor Stadium lian tham sak chu sawrkar in tul a tih thu a sawi a, Covid hripui avangin sum sanction la awm lo mah se Central sawrkar atangin beiseina sang tak an neih thu a sawi bawk.

Comments

Popular News (Last 30 Days)