Latest News

Chanchin thar thenkhat :

LADC CEM thar lalut

Lai Autonomous District Council (LADC) Chief Executive Member (CEM) atan V. Zirsanga chu nimin khan rinawmna thu tiam tira lakluh a ni. LADC CEM lakluhna inkhawm hi LADC Hall, Lawngtlai-ah neiin Lawngtlai District Bawrhsap Dr. Andrew H. Vanlaldika chuan rin-awmna thu tiam tirin a lalut a ni. CEM thar V. Zirsanga chuan a kaihhruai MNF Legislature Party chuan LADC-ah ram mipui huap zo sawr-kar din tura theihtawp an chhuah tur thu a sawi a. MDC-te, Political Party, tlawmngai pawl leh LADC hnuaia thawktute leh ram mipuite chu sawrkar finchhuah a ngaihnaah thurawn pe hreh lo turin a ngen a ni. LADC-a Manghmunga Chin-zah kaihhruai MNF sawrkar chu kumin August 26 khan 'No Confidence Motion' hmanga paih niin chuhtu awm lova CEM thar atana V. Zirsanga thlan a nih hnuah CEM thar hi lakluh a ni ta a ni.


Tualthattu a puh man tawh

Tunkar Thawhtanni zan-a K. Vanlalduati (52) Chanmari-II, Lunglei thattu nia hriat chu manin Lunglei District Jail-ah dahluh a ni. Lung-lei Police hotute sawi danin K. Vanlalduati thihna chungchang chhui tur hian Lunglei Police hnuaia Special Investigation Team (SIT) siam niin anni hian tualthattu hi chhui chhuak tawhin Lalchawi-mawia (24) S/o Piangthiauva, Tahan F Group Myanmar nia insawi a ni a, Thangte khuaa mi In-a khawsa mek a ni. Police te sawi danin he tualthahna atana hman Chemte an man chu Lal-chawimawia pai thin ni ngeia hriat niin hei vang hian Lunglei-a a thlen In, Luangmual-ah man a ni a, thu zawhfiah a nih hnuah nimin khan District Jail-ah dahluh nghal a ni.


Damlo 251 admit an ni

Thla kalta, August 2021 chhung khan Civil Hospital Lunglei-ah OPD leh Casualty pantu mi 4597 awmin damlo 251 admit an ni a, nau piang 45 awmin mitthi 17 an awm bawk. Laboratory-ah 11,820 exam niin thisen Unit 206 an dawn bakah Unit 177 pekchhuah a ni bawk.


Mamit-ah FOCUS hmalakna tur thlirho

Nimin khan Mamit-ah kumin 2021-22 chhunga FOCUS Project kaltlanga Mamit District chhunga hmalakna hrang hrangte ngaihtuahin District Bawrhsap Dr. Lalrozama hovin thutkhawm neih a ni a. Mamit District FOVID hmalakna hnuaiah hian khaw 73 tuam niin Lead Farmer 73 awmin Community Animal Health Worker 72 leh Community Resource Person 6 an awm mek a ni. Mamit District chhunga FOCUS kaltlanga hmalakna-ah hian Farmer Interest Group (FIG) din niin Trade hrang hrang Better Jhum, Settled Agriculture, WRC/TRC, Landless, Value Chain, Community Conservation Area te niin FIG 736-ah Member 12,751 an awm mek a ni.


Plastic sawngbawlna tur tlawh

Aizawl Luangmual AMC ram-a 'Plastic Waste Management Centre' chu nimin khan AMC Mayor Lalrinenga Sailo hovin Councillors thenkhat ten an tlawh a, he hunah hian AMC Mayor chuan Luangmual-a AMC ramah hian plastic hi process tum a ni tih sawiin, “Plastic-te chu her dipin bitument nen chawhpawlhin ramdang-a an tih angin Plastic road-ah hman kan tum a ni,” a ti a. Hualngohmun ah Waste Centre thar ruahman a nih thu a sawi bawk.


PC Party in sawrkar an phut

PC Party chuan Mizoram sawrkarin CO-VID -19 hri kai leh kai lo endikna hmanrua atana Rapid Antigent Test (RAT) rinrawl-a a hman reng avangin Mizoram-ah hripui a punlun phah hle ah an ngaih thu sawiin, Ministry of Home Affairs in Order a siam ang ngei a a rang thei ang bera RT-PCR hmanga endikna kalpui tawh turin Mizoram sawrkar an phut thu an sawi bawk.

Comments

Chhiar Hlawhte