Raltlan mi 6 rawn lut

/

Tunhnaia Myanmar ram buaina avanga mi tam tak ten Mizoram an rawn pan angin Serchhip District-ah pawh niminpiah khan chhungkaw pakhat a mi 6 te chuan Serchhip District-ah an rawn luh belh.

Heng raltlan rawn lut te hi Than-tlang khua ami te niin Chhiahtlang-a an chhungte bel tura rawn lut an ni a, Chhiahtlang-a VC te leh YMA Coordination Committee ten lo dawngsawngin Chhiahtlang Chhim Veng Kohhran Quarters ruak-ah khunghran nghal an ni a, nimin vek khan Rapid Antigen Test hmangin an Sample enfiah niin hri lakah an fihlim a ni.

Serchhip Sub-Hqrs. YMA hruaitute chuan heng mi 6 te bak hi tunhnaiah an huam-chhunga rawn lut thar an awmloh thu sawiin, raltlan lo lut an awm belh pawha lo dawngsawng thei turin ramri hnaiha awm YMA Branch te chu an inralring tih an sawi bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »