Hri kai 49 hmuh belh leh

Zonuna Kawlni /

Nimin khan Serchhip District-ah COVID-19 hri kai mi 49 hmuh belh niin mi 16 te enkawl dam an ni bawk.

Nimin-a Serchhip District-a hri kai hmuhchhuah thar mi 49 zinga 27 te hi Chhingchhip atanga hri kai hmuhchhuah an ni a, midang 22 te hi Serchhip khawpui chhunga hri kai hmuhchhuah niin Tuikhuah Veng leh Chhim Veng-ah hri kai mi 6 ve ve hmuh an ni a, Bazar Veng-ah 3 leh IOC Veng-ah 2 bakah Vengchung, Hmar Veng, P&E Veng, Bilzel leh BSF atangin hri kai pakhat theuh hmuh an ni bawk. Hei bakah hian Serchhip District atanga ZMC-a Sample thawn zingah niminpiah khan hri kai mi pakhat hmuh niin Thenzawk khua ami a ni.

Nimin khan Serchhip District-ah hri kai mi 16 te enkawl dam ni ve lehin In lama enkawl mi 7, 4C East Lungdar atangin 7 leh Nursing School leh IAH Thenzawl atangin mi pakhat ve ve an ni a. Heti hian nimin tlai dar 5:00 thlenga Serchhip District-a hri kai hmuhchhuah chu 1573 niin an zinga 1092 te chu enkawl dam an ni tawh a, hri kai enkawllai 478 an awm mek a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »