Latest News

Assembly-ah bill pass a ni

Nimin-a Assembly Session-ah The Mizo-ram Goods and Services Tax (Amendment) Bill, 2021lungrual taka pass a ni.

He Bill hi Chief Minister Zoramthanga’n a pharh a, sawihona ah MNF Member leh Deputy Chief Minister ni bawk Tawnluia chuan Central atanga Amendment an rawn pawm chu an duh ang ni chiah vek biklo mahse an kalpui a ngai tih a sawi a, duhdan anga her danglam theih tur ang anih avangin State tan tangkaipui ngei theih a ring tih a sawi.  Tawnluia chuan GST hnuaia Chhiah felfai zawka lak anih theih tawh tur thu leh mitinin an zawm theih tura ruahman a ni, a ti a, chhiah tam zawk a luh theih a beisei tih sawiin, State tan sum lama hlawkna a awm theih a beisei a, state in tha taka an kalpui ve theih a ring tih a sawi bawk.

Opposition Group Leader leh ZPM Member Lalduhoma chuan GST chu National Tarmit atanga thlir chuan intluktlanna siam mahse Tribal leh ILP khuahkhirh tan GST chu a thalo tih a sawi a, GST chu inhumhimna bang thiattu anih thu sawiin, Mizo hnam humhim ngai tan chuan thalo tih a sawi a, amaherawhchu central in a rawn pawm tawh avangin State in tihve a ngaih tak avangin bill chu pass a ngai tih a sawi bawk.

Comments

Popular News (Last 30 Days)