Latest News

COVID-19 Hri kai hmuhchhuah la pung chho zel

Mizoram-ah COVID-19 hri kai hmuhchhuah an la awm belh zel a, Inrinni khan Sample enfiah 8229 atangin hri kai 1478 hmuh leh niin Sample enfiah atanga za zela 17.96 te chuan hri an kai a ni.

Inrinni khan ZMC-a RT-PCR Laboratory-ah Aizawl leh Serchhip District atanga Sample lak 2211 enfiah niin heng atang hian hri kai mi 352 hmuhchhuah niin an zinga 350 chu Aizawl District-a Sample lak te niin Serchhip District atanga Sample lak atangin hri kai mi 2 hmuh an ni bawk a, Serchhip District atanga hri kai hmuhchhuah te hi Thenzawl khua ve ve niin Aizawl District atanga hri kai hmuhchhuah zinga 84 te hi Sakawrdai khua an ni.

Fluorescent Immunoassay Test hmangin Inrinni khan Aizawl-ah Sample 30 enfiah niin hri kai mi 8 hmuh an ni bawk a, an vai hian Aizawl khawpui chhung ami te an ni a. District hrang hrang a TrueNat Laboratory-ah Sample 398 enfiah niin heng atang hian hri kai mi 54 hmuh an ni bawk a, an zinga 18 te chu Champhai District ami te niin Kolasib District-ah 11, Lunglei District-ah 8, Lawngtlai District-ah 7, Hnahthial District-ah 4, Mamit District-ah 3, Khawzawl District-ah 2 leh Serchhip District-ah hri kai mi pakhat hmuh an ni bawk.

Inrinni khan Rapid Antigen Test hmangin Mizoram-ah Sample 5590 enfiah ni bawkin heng atang hian hri kai mi 1064 hmuh an ni bawk a, an zinga 506 te hi Aizawl District atanga hri kai hmuh te niin Siaha District-ah mi 125, Lunglei District-ah 107, Champhai District-ah 78, Lawngtlai District-ah 69, Serchhip District-ah 59, Kolasib District-ah 51, Mamit District-ah 32, Hnahthial District-ah 28, Khawzawl District-ah 7 leh Saitual District-ah hri kai mi pahnih hmuh an ni bawk.

Mizoram-a COVID-19 hri kai zingah nimin khan mi 765 enkawl dam niin nimin tlai dar 5:00 thleng khan Mizoram-a hri kai hmuhchhuah chu 88,166 an ni ta a, an zinga 72,086 te chu enkawl dam ni tawhin hei hi hri kai hmuhchhuah atangin zaa 821.76 a ni a, tunah hian hri kai enkawllai 15,788 an la awm mek a ni.

Mizoram-a hri kai zingah mi 294 zet an boral tawh :

Mizoram-a COVID-19 hri kai zingah mi 294 zet boral an awm tawh. Inrinni lama kan rawn tarlan tawh bakah Ningani khan A. Laldingliana (78), Ramthar Veng Aizawl chu boralin Zirtawpni zan dar 8:35 khan Lalthasangi (41), Sawleng chu a boral ve leh bawk a. Inrinni khan A. Biakchungnunga (71), Lawngtlai-III leh Rosiama (82), Zemabawk chu a boral bakah nimin Pathianni khan F. Liansiama (62), Upper Republic; B. Ramena (83), Luangmual, Aizawl; C. Romawia (70), Rahsi Veng Lunglei; Lalsawmi (86), Tlangnuam Aizawl leh Laino (74), Siahatla-I te chu an boral ve leh bawk a ni.

Comments

Popular News (Last 30 Days)